Renewing the memory of the Prophet, Nabi Day celebration was organized in various mahalls in Vaikom.

പ്രവാചക സ്മരണ പുതുക്കി വൈക്കത്ത് വിവിധ മഹല്ലുകളിൽ നബിദിന ആഘോഷം സംഘടിപ്പിച്ചു.

16 Sep 2024 18:12 IST

Share News :

Renewing the memory of the Prophet, Nabi Day celebration was organized in various mahalls in Vaikom.

വൈക്കം : പ്രവാചക സ്മരണ പുതുക്കി വൈക്കത്ത് വിവിധ മഹല്ലുകളിൽ നബിദിന ആഘോഷം സംഘടിപ്പിച്ചു. തിങ്കളാഴ്ച രാവിലെ വൈക്കം താലൂക്കിലെ വിവിധ മുസ്ലീം ജമാഅത്തുകളിൽ നബിദിന റാലിയും പള്ളികളിൽ പ്രത്യേക പ്രാർത്ഥനയും നടത്തി. മറവൻതുരുത്ത്, കാട്ടിക്കുന്ന് മണക്കുന്നം, വെട്ടിക്കാട്ട് മുക്ക് വടകര, മഹല്ലുകളിൽ നബിദിന സന്ദേശ റാലി നടത്തി.വടകര,

ആപ്പാഞ്ചിറ മുഹിയുദ്ദീൻ ജുമാ മസ്ജിദിൽ പ്രത്യേക പ്രാർത്ഥന നടന്നു. വെട്ടിക്കാട്ട് മുക്ക് തൈക്കാവിൽ പള്ളി അങ്കണത്തിൽ നിന്നും ആരംഭിച്ച റാലിക്ക് എസ് എൻ ജംഗ്ഷനിൽ എസ്എൻഡിപി ശാഖയുടെ നേതൃത്വത്തിൽ സ്വീകരണം നൽകി. മിഠായിക്കുന്ന് മഹല്ല് ജുമാ മസ്ജിദിന്റെയും വടകര എസ്എൻഡിപി ശാഖാ യോഗത്തിൻ്റെയും മധുര പലഹാര വിതരണവും നടത്തി.തുടർന്ന് മൗലൂദ് പാരായണം പള്ളിയിൽ മദ്രസ വിദ്യാർത്ഥികളുടെ കലാപരിപാടികൾ, മതപ്രഭാഷണം, അന്നദാനം എന്നിവയും നടന്നു.

തലയോലപ്പറമ്പ് മുഹിയിദ്ധീൻ ജമാഅത്തിൻ്റെ നേതൃത്വത്തിൽ വൈകിട്ട് നടന്ന നബിദിന റാലിക്ക് ജമാഅത്ത് പ്രസിഡൻ്റ് ഷാജഹാൻ കോഴിപ്പള്ളി സെക്രട്ടറി ഫിറോസ് മാവുങ്കൽ തുടങ്ങിയവർ നേതൃത്വം നൽകി.റാലിയിൽ നൂറ് കണക്കിന് വിശ്വാസികൾ പങ്കെടുത്തു.

തുടർന്ന് പള്ളിയങ്കണത്തിൽ നടന്ന യോഗത്തിൽ മസ്ജിദ് ചീഫ് ഇമാം നബിദിന സന്ദേശം നൽകി.

Tags:

പ്രവാചക സ്മരണ പുതുക്കി വൈക്കത്ത് വിവിധ മഹല്ലുകളിൽ നബിദിന ആഘോഷം സംഘടിപ്പിച്ചു. enlightmedia,malayalamnews,kerala,latestnews