ഭിന്നശേഷിക്കാരെ ചേർത്ത് പിടിച്ച പി.എസ്.എം.ഒ. കോളേജ് പ്രിൻസിപ്പലിന് സ്നേഹ നിർഭരമായ യാത്രയയപ്പ്

20 Mar 2025 10:13 IST

Share News :

PSMO inducting Personswith Disabilities A farewell to the Principal of the College.

തിരൂരങ്ങാടി : ഭിന്നശേഷിക്കാരെ എന്നും ചേർത്ത് പിടിക്കുകയും തിരൂരങ്ങാടി പി.എസ്.എം.ഒ. കോളേജിനെ ഭിന്നശേഷി സൗഹൃദ കോളേജാക്കി മാറ്റുകയും ചെയ്ത കോളേജ് പ്രിൻസിപ്പൽ ഡോ: കെ. അസീസിന് ഭിന്നശേഷി കൂട്ടായ്മ സ്നേഹ നിർഭരമായ യാത്രയയപ്പ് നൽകി.

കഴിഞ്ഞ എട്ട് വർഷത്തിലധികമായി ഡോ: കെ. അസീസ് തിരൂരങ്ങാടി പി.എസ്.എം.ഒ. കോളേജ് പ്രിൻസിപ്പലായി പ്രവർത്തിച്ച് വരുന്നു. ഏപ്രിൽ 30 നാണ് അദ്ദേഹം സർവ്വീസിൽ നിന്നും പിരിയുന്നത്. ജോലി ചെയ്യുന്ന സ്ഥാപനത്തിലെ വിവിധ മേഖലകളിൽ നിന്നും യാത്രയയപ്പ് ലാഭിക്കാറുണ്ടെങ്കിലും സ്ഥാപനത്തിന്റെ പുറത്ത് നിന്നും ഒരു സംഘടന കോളേജ് പ്രിൻസിപ്പലിന് യാത്രയയപ്പ് നൽകുന്നത് ഇതാദ്യമായിരിക്കാം.

സിഗ്നേച്ചർ ഭിന്നശേഷി ശാക്തീകരണ വേദിയാണ് പ്രിൻസിപ്പൽ ഡോ: അസീസിന് കോളേജിൽ വെച്ച് തന്നെ ഒരു യാത്രയയപ്പ് ചടങ്ങ് സംഘടിപ്പിച്ചത്. കോളേജിനെ ഒരു ഭിന്നശേഷി സഹൃദ കോളേജ് ആക്കി മാറ്റുന്നതിലും കഴിഞ്ഞ മൂന്ന് വർഷമായി കോളേജിൽ വെച്ച് എൻ.എസ്.എസിനെ പങ്കാളിയാക്കി കൊണ്ട് നടക്കുന്ന ഭിന്നശേഷി സൗഹ്യദ സംഗമവും പ്രിൻസിപ്പൽ ഡോ: അസീസിന്റെ കാർമ്മികത്വത്തിലാണ് നടക്കുന്നത്. ഇതെല്ലാം മാനിച്ചാണ് ഭിന്നശേഷി കൂട്ടായ്മ ഇത്തരം ഒരു യാത്രയയപ്പ് വേദി ഒരുക്കിയത്.

കോളേജ് സെമിനാർ ഹാളിൽ നടന്ന പരിപാടി കോളേജ് മാനേജർ എം.കെ ബാവ ഉദ്ഘാടനം ചെയ്തു. സിഗ്നേച്ചർ ഭിന്നശേഷി ശാക്തീകരണ വേദി ചെയർമാൻ അഷ്റഫ് കളത്തിങ്ങൽ പാറ ചടങ്ങിൽ അദ്ധ്യക്ഷത വഹിച്ചു. കോളേജ് അലുംനി അസോസിയേഷൻ പ്രസിഡണ്ട് അഡ്വ: സി.പി. മുസ്ഥഫ, തിരൂരങ്ങാടി മുനിസിപ്പൽ കൗൺസിലർ സുജിനി മുളമുക്കിൽ , അമർ മനരിക്കൽ , സലാം ഹാജി മച്ചിങ്ങൽ, സത്യഭാമ ടീച്ചർ, കോളേജ് യൂണിയൻ ചെയർമാൻ ഷാമിൽ , അലീഷ സി.എം, കെ.ടി. വിനോദ്, എൻ.എസ് എസ്. പ്രോഗ്രാം ഓഫീസർ അലി അക്ഷദ്,ഡോ: അനീഷ് എം.ച്ച്,ഡോ: നൗഷാദ്, അജ്മൽ എം.പി, സമീറ കൊളപ്പുറം, റാഷി എന്നിവർ പ്രസംഗിച്ചു. മാനേജർ എം.കെ. ബാവ ഉപഹാരം സമർപ്പിച്ചു. സിഗ്‌നേച്ചർ സെക്രട്ടറി അക്ഷയ് എം. പൊന്നാട ചാർത്തി. പ്രിൻസിപ്പൽ ഡോ: കെ. അസീസ് മറുപടി പ്രസംഗം നടത്തി.സിഗ്നേച്ചർ വർക്കിംഗ് സെക്രട്ടറി അഷ്റഫ് മനരിക്കൽ സ്വാഗതവും അക്ഷയ് എം. നന്ദിയും പറഞ്ഞു.

Tags:

enlightmedia,malayalamnews,kerala,latestnews