Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
18 Nov 2024 12:51 IST
Share News :
കുറുവാ സംഘാംഗമെന്ന് സംശയം തോന്നിയ യുവാവിനെ നാട്ടുകാർ പിടിച്ചു
പറവൂർ: ഇന്നു രാവില 10 മണിയോടെയാണ് ഫയർ സ്റ്റേഷൻ റോഡിൽ അലസമായി നടക്കുന്ന അന്യസംസ്ഥാനക്കാരനെ കണ്ടത്. നാട്ടുകാരുടെ ചോദ്യങ്ങൾക്ക് അവ്യക്തമായ ഉത്തരമാണ് ഇയാൾ നൽകിയത്. വിവരമറിയിച്ചതിനെ തുടർന്ന് പോലീസെത്തി സ്റ്റേഷനിലേക്കു കൊണ്ടുപോയി.
തമിഴ്നാട് വിഴുപുറം സ്വദേശിയായ 45 കാരനാണ്. വിവാഹം കഴിക്കാൻ വീട്ടുകാർ നിർബന്ധിച്ചതിനെ തുടർന്ന് നാടുവിട്ടതാണെന്ന് ഇയാൾ പോലീസിനോട് പറഞ്ഞു. സിമൻ്റു ലോറിയിൽ കയറിയാണ് ഇവിടെയെത്തിയത്. ഇയാളുടെ കെെയിലുണ്ടായിരുന്ന ബാഗ് പരിശോധിച്ച പോലീസിന് മുഷിഞ്ഞ വസ്ത്രങ്ങളും ചെറിയ ഒരു ട്രാൻസിസ്റ്റർ റേഡിയോ, തലയിൽ തേക്കുന്ന എണ്ണ, ഒരു പൗഡർ ടിൻ തുടങ്ങിയവയാണ് കണ്ടെടുക്കാനായത്.
കഴിഞ്ഞ രാത്രിയിൽ കെടാമംഗലം ഭാഗത്തുനിന്നും റോഡിൽ അഞ്ഞുതിരിയുന്ന ഒരു തമിഴ്നാട് സ്വദേശിയെ നാട്ടുകാർ പിടികൂടി പോലീസിൽ ഏൽപിച്ചിരുന്നു. പാഴ് വസ്തുക്കൾ പെറുക്കി സഞ്ചിയിൽ ഇട്ടു നടക്കുന്ന ഇയാൾ മാനസീക വെല്ലുവിളി നേരിടുന്ന ആളാണെന്നു പോലീസ് പറഞ്ഞു. ഇതിനിടെ കുറുവാ സംഘമെത്തിയെന്ന് സംശയിക്കുന്ന ചേന്ദമംഗലം പ്രദേശത്ത് പോലീസ് ഡ്രോൺ നിരീക്ഷണം നടത്തി.
Follow us on :
Tags:
More in Related News
Please select your location.
