Library under the auspices of alumni of Thayolaparamba Devaswom Board College - Grantham South on July 2.

വൈക്കം: തലയോലപ്പറമ്പ് ദേവസ്വം ബോർഡ് കോളേജിൽ പൂർവവിദ്യാർത്ഥികളുടെ കൂട്ടായ്മയായ ഫോർ റണ്ണേഴ്സിന്റെ ആഭിമുഖ്യത്തിൽ ജൂലൈ 2 ന്

ഗ്രന്ഥാലയം - ഗ്രന്ഥദക്ഷിണ പരിപാടി സംഘടിപ്പിക്കും. കോളേജ് സ്ഥാപിതമായ കാലം മുതൽ ക്യാമ്പസിൽ സജീവമായിരുന്ന വിദ്യാർത്ഥികളും അധ്യാപകരും ജീവനക്കാരും രചിച്ച് പ്രസിദ്ധീകരിച്ചിട്ടുള്ള പുസ്തകങ്ങളുടെ സമർപ്പണമാണ് ചടങ്ങ്. വൈകിട്ട് 3ന് കോളേജ് ഹാളിൽ വച്ച് നടക്കുന്ന പരിപാടി പുസ്തകങ്ങളുടെ പ്രസിദ്ധീകരണ സ്ഥാപനമായ സാഹിത്യ പ്രവർത്തക സംഘം പ്രസിഡൻ്റും കോളേജിലെ പൂർവ വിദ്യാർത്ഥിയുമായ അഡ്വക്കറ്റ് പി. കെ ഹരികുമാർ ഉദ്ഘാടനം ചെയ്യും. സാഹിത്യരംഗത്ത് പ്രമുഖരും പുതുമുഖങ്ങളുമായ എൻമ്പതോളം പേരുടെ കൃതികൾ പ്രത്യേകം തയ്യാറാക്കി എടുത്ത് പ്രദർശിപ്പിക്കും. പരിപാടിയോടനുബന്ധിച്ച് നടന്ന ആലോചനാ യോഗത്തിൽ ഫോർ റണ്ണേഴ്സ് പ്രസിഡൻ്റ് ബി. അനിൽകുമാർ അധ്യക്ഷത വഹിച്ചു. കോളേജ് പ്രിൻസിപ്പൽ ഡോക്ടർ ആർ. അനിത ഉദ്ഘാടനം ചെയ്തു. ജനറൽ സെക്രട്ടറി വി.സി സന്തോഷ്, വൈസ് പ്രസിഡൻ്റ് ബിനു ചിത്രം പള്ളി, ജോയിൻ്റ് സെക്രട്ടറി അഡ്വക്കറ്റ് കെ.ജി രാജേഷ് കുമാർ, ട്രഷറർ ആശ ജി. മേനോൻ മുൻ പ്രസിഡൻ്റ് ടി. വി ജോർജ്, മുൻ ജനറൽ സെക്രട്ടറി ഡോക്ടർ സി. എം കുസുമൻ, ഐഷ മനോജ്, മനോജ് ശങ്കർ, കെ. എസ് ശ്രീകല, പ്രൊഫസർ വത്സല എന്നിവർ പ്രസംഗിച്ചു.