Tue Dec 12, 2023 10:56 PM 1ST

Location  

Sign In

കുടുംബശ്രീ അവാര്‍ഡുദാന ശില്പശാലയും വെബ്‌സൈറ്റ് ലോഞ്ചും നാളെ

17 Oct 2025 21:33 IST

SUNITHA MEGAS

Share News :

കടുത്തുരുത്തി: ജില്ലയിലെ മികച്ച കുടുംബശ്രീ സ്ഥാപനങ്ങളെയും പ്രവര്‍ത്തകരെയും ആദരിക്കുന്നതിനായി കുടുംബശ്രീ ജില്ലാ മിഷന്‍ കോട്ടയം സംഘടിപ്പിക്കുന്ന അവാര്‍ഡുദാന ശില്പശാല(അഡ്മിര്‍ 2025)യും വെബ്‌സൈറ്റ് ലോഞ്ചും ഒക്ടോബര്‍ 18-ന് രാവിലെ 10 ന് ഏറ്റുമാനൂര്‍ കൈലാസ് ഓഡിറ്റോറിയത്തില്‍ നടക്കും. മികച്ച അയല്‍ക്കൂട്ടം, എ.ഡി.എസ്, സി.ഡി.എസ്, വ്യക്തിഗത സംരംഭങ്ങളും ഗ്രൂപ്പ് സംരംഭങ്ങളും, ഓക്‌സിലറി ഗ്രൂപ്പുകളും സംരംഭങ്ങളും, ജെന്‍ഡര്‍ റിസോഴ്‌സ് സെന്റര്‍, ബഡ്‌സ് സ്ഥാപനം, ബാലസഭ, ഫോട്ടോഗ്രാഫി വിജയികള്‍, ഹരിത കര്‍മസേന കണ്‍സോര്‍ഷ്യം എന്നീ അംഗീകാരങ്ങള്‍ നല്‍കും. 

കുടുംബശ്രീ സേവനങ്ങളും പ്രവര്‍ത്തനങ്ങളും എല്ലാ അയല്‍ക്കൂട്ടങ്ങളിലേക്കും സുതാര്യമായി എത്തിക്കാന്‍ സ്വന്തം വെബ്‌സൈറ്റ് രൂപീകരിക്കുന്ന കേരളത്തിലെ ആദ്യത്തെ സി.ഡി.എസായ ഏറ്റുമാനൂര്‍ നഗരസഭാ സി.ഡി.എസിന്റെ ഔദ്യോഗിക വെബ്‌സൈറ്റ് ലോഞ്ചിംഗും നടക്കും. സഹകരണം-ദേവസ്വം-തുറമുഖം വകുപ്പ് മന്ത്രി വി.എന്‍. വാസവന്‍ പരിപാടിയുടെ ഉദ്ഘാടനവും അവാര്‍ഡ് വിതരണവും നടത്തും. 'കുടുംബശ്രീ സംരംഭങ്ങളും നൂതന സാധ്യതകളും' എന്ന വിഷയത്തില്‍ സെമിനാര്‍ നടക്കും. 




Follow us on :

More in Related News