Kodotti Arrive to awaken the nation; Start today with a mass procession

നാടിനെ ഉണർത്താൻ കൊണ്ടോട്ടി വരവ്; ജനകീയ ഘോഷയാത്രയോടെ ഇന്ന് തുടക്കം

04 May 2024 09:48 IST

Share News :

Kodotti Arrive to awaken the nation; Start today with a mass procession

കൊണ്ടോട്ടി:കൊണ്ടോട്ടി വരവിന് ഇന്ന് 5 മണിക്ക് മഹാകവി മോയിൻകുട്ടി വൈദ്യർ മാപ്പിള കലാ അക്കാദമിയിൽ നിന്നും ആരംഭിക്കുന്ന ജനകീയ ഘോഷയാത്രയോടെ ആരംഭം കുറിക്കും.

6 മണിക്ക് ന്യൂനപക്ഷ ക്ഷേമ, ഹജ്, സ്പോർട്സ് മന്ത്രി വി.അബ്ദുറഹിമാൻ ഉത്ഘാടനം ചെയ്യും. ചടങ്ങിൽ ടി വി ഇബ്രാഹിം എം എൽ എ അദ്ധ്യക്ഷനാവും. നഗരസഭാധ്യക്ഷ സി ടി ഫാത്തിമത്ത് സുഹറാബി വരവിൻ്റെ സന്ദേശം കൈമാറും. വിവിധ

രാഷ്ടീയ പാർട്ടി പ്രതിനിധികൾ, നഗരസഭാ കൗൺസിലർമാർ, ഇന്റർനാഷണൽ ക്ലബ്ബുകളായ ജെ സി ഐ, റോട്ടറി, ലയൺസ്, വ്യാപാര വ്യവസായ ഏകോപന സമിതി ഭാരവാഹികൾ തുടങ്ങിയവർ ചടങ്ങിൽ സംബന്ധിക്കും.

വൈകിട്ട് നടക്കുന്ന ഘോഷയാത്ര മേളങ്ങളുടെയും കലാ-കായിക അഭ്യാസ പ്രകടനങ്ങളുടെയും വാഹനങ്ങളുടെയും അകമ്പടിയോടെ കൊണ്ടോട്ടി ബൈപ്പാസ് വഴി മുത്തളത്തിലൂടെ മെയിൻ റോഡിലേക്ക് പ്രവേശിച്ച് ജനതാ ബസാർ വഴി കുട്ടൻകാവ് ഗ്രൗണ്ട് യൂത്ത് സ്റ്റേഡിയത്തിൽ എത്തിച്ചേരും.

കുടുംബശ്രീ ഹരിതസേന, ട്രോമാകെയർ സംഘങ്ങൾ, പ്രാദേശിക ക്ലബ്ബുകൾ, സാംസ്‌കാരിക കലാ രാഷ്ട്രീയ പ്രവർത്തകർ തുടങ്ങിയവരും വരവ് ഘോഷയാത്രയിൽ അണിനിരക്കും .പഴയ കൊണ്ടോട്ടി നേർച്ചയെ അനുസ്മരിച്ചുകൊണ്ട് മുട്ടും വിളിയും കുതിരക്കാരും ഘോഷയാത്രയെ വരവേൽക്കും.

Tags: