Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
30 Jul 2024 21:44 IST
Share News :
കോട്ടയം: കോട്ടയം ജില്ലയിലെ മൂന്ന് ഗ്രാമപഞ്ചായത്ത് വാർഡുകളിലേക്ക് നടന്ന തെരഞ്ഞെടുപ്പിൽ 72.15 ശതമാനം പോളിങ്. പനച്ചിക്കാട് ഗ്രാമപഞ്ചായത്തിലെ 20-ാം വാർഡിൽ (പൂവൻതുരുത്ത് ) നടന്ന ഉപതെരഞ്ഞെടുപ്പിൽ 70.6 ശതമാനം പേർ വോട്ട് രേഖപ്പെടുത്തി. 1602 വോട്ടർമാരിൽ 1131 പേർ സമ്മതിദാനാവകാശം വിനിയോഗിച്ചു. 579 സ്ത്രീകളും 552 പുരുഷന്മാരും വോട്ട് ചെയ്തു.
വാകത്താനം ഗ്രാമപഞ്ചായത്തിലെ 11-ാം വാർഡിൽ (പൊങ്ങന്താനം) നടന്ന ഉപതെരഞ്ഞെടുപ്പിൽ 71.13 ശതമാനം പോളിങ്. 1136 വോട്ടർമാരിൽ 808 പേർ സമ്മതിദാനാവകാശം രേഖപ്പെടുത്തി. 418 പുരുഷന്മാരും 390 സ്ത്രീകളും വോട്ട് രേഖപ്പെടുത്തി. ചെമ്പ് ഗ്രാമപഞ്ചായത്തിലെ ഒന്നാം വാർഡിൽ (കാട്ടിക്കുന്ന് ) നടന്ന ഉപതെരഞ്ഞെടുപ്പിൽ 75.35 ശതമാനം പോളിങ്. 1144 വോട്ടർമാരിൽ 862 പേർ വോട്ട് രേഖപ്പെടുത്തി. 420 സ്ത്രീകളും 442 പുരുഷന്മാരും വോട്ട് ചെയ്തു. മൂന്നിടത്തും മൂന്നു സ്ഥാനാർഥികൾ വീതമാണ് മത്സരരംഗത്തുണ്ടായിരുന്നത്.
വോട്ടെണ്ണൽ നാളെ രാവിലെ പത്ത് മുതൽ നടക്കും. ചെമ്പ് ഗ്രാമപഞ്ചായത്തിലെ വോട്ടെണ്ണൽ വൈക്കം ബ്ലോക്ക് പഞ്ചായത്ത് ഹാളിൽ നടക്കും. പനച്ചിക്കാട്, വാകത്താനം പഞ്ചായത്തുകളിലെ വോട്ടെണ്ണൽ അതത് ഗ്രാമപഞ്ചായത്ത് ഹാളിലാണ് നടക്കുക.
Follow us on :
Tags:
More in Related News
Please select your location.
