Dukarana Tirunelveli Celebrated at Kanakamala Pilgrimage Centre

കനകമല തീര്‍ഥാടന കേന്ദ്രത്തില്‍ ദുക്‌റാന തിരുനാള്‍ ആഘോഷിച്ചു

കൊടകര കനകമല തീര്‍ഥാടന കേന്ദ്രത്തില്‍ ദുക്‌റാന തിരുനാള്‍ ആഘോഷിച്ചു. തിരുനാള്‍ തിരുകര്‍മ്മങ്ങളിലും തുടര്‍ന്നു നടന്ന നേര്‍ച്ച ഊട്ടിലും ആയിരങ്ങള്‍ സംബന്ധിച്ചു. രാവിലെ നടന്ന പാട്ടുകുര്‍ബ്ബാനയ്ക്ക് ഫാ. ഷിബു നെല്ലിശ്ശേരി മുഖ്യ കാര്‍മ്മികനായി. ഫാ. ഫ്രാന്‍സിസ് പാറയ്ക്ക സഹകാര്‍മ്മികനായിരുന്നു. ഫാ. ഡോ. സിജു കൊമ്പന്‍ സന്ദേശം നല്‍കി.

തുടര്‍ന്ന് തീര്‍ഥാടകേന്ദ്രം റെക്ടര്‍ ഫാ അലക്‌സ് കല്ലേലി ഊട്ടുസദ്യ വെഞ്ചരിച്ചു. കുരിശുമുടിയില്‍ നടന്ന വി. കുര്‍ബ്ബാനയ്ക്ക് ഫാ. ജെയിംസ് കൊച്ചുപറമ്പില്‍ കാര്‍മ്മികനായി. നൊവേന , പ്രദക്ഷിണം,തിരുശേഷിപ്പ് വണക്കം എന്നിവ ഉണ്ടായിരുന്നു. റാസ കുര്‍ബ്ബാനയ്ക്ക് ഫാ. ഫ്രാന്‍സന്‍ തന്നാടന്‍ മുഖ്യകാര്‍മ്മികത്വം വഹിച്ചു. ഫാ. ടിന്റോ ഞാറെക്കാടന്‍ സന്ദേശം നല്‍കി. ഫാ. ജോമി ചെരടായി, റെക്ടര്‍ ഫാ. അലക്‌സ് കല്ലേലി ,അനൂപ് കോലങ്കണ്ണി എന്നിവര്‍ സഹകാര്‍മ്മികരായിരുന്നു. തുടര്‍ന്ന് തിരുനാള്‍ പ്രദക്ഷിണം , തിരുശേഷിപ്പ് വണക്കം എന്നിവ ഉണ്ടായി.

ഡീക്കന്‍ ജോര്‍ജുട്ടി, ജനറല്‍ കണ്‍വീനര്‍ ജോര്‍ജ് പന്തല്ലൂക്കാരന്‍, ഫുഡ് കണ്‍വീനര്‍ സൈമണ്‍ കറുകുറ്റിക്കാരന്‍,കൈക്കാരന്‍മാരായ ആന്റു കരിയാട്ടി, ജോസ് വെട്ടുമണിക്കല്‍, ഷിജു പഴേടത്ത് പറമ്പില്‍, ലിജോ ചാതേലി എന്നിവര്‍ നേതൃത്വം നല്‍കി.