Degraded condition of Ambedkar Park; DYFI refuses

അംബേദ്കർ പാർക്കിൻ്റെ ശോച്യാവസ്ഥ; ഡിവൈഎഫ്ഐ പ്രതിഷേധിിച്ചു

24 Oct 2024 22:12 IST

Share News :

Degraded condition of Ambedkar Park; DYFI refuses

അംബേദ്കർ പാർക്കിൻ്റെ ശോച്യാവസ്ഥ; ഡിവൈഎഫ്ഐ പ്രതിഷേധിിച്ചു

പറവൂർ: നഗരസഭയുടെ കീഴിലുള്ള അംബേദ്കർ പാർക്കിൻ്റെ ശോചനീയാവസ്ഥ പരിഹരിക്കണമെന്നാവശ്യപ്പെട്ട് ഡിവൈഎഫ്ഐ മുനിസിപ്പൽ കമ്മിറ്റികളുടെ നേതൃത്വത്തിൽ പാർക്കിന് മുന്നിൽ പ്രതിഷേധ സമരം നടത്തി.

നഗരസഭ പ്രതിപക്ഷ നേതാവ് ടി വി നിഥിൻ ഉദ്ഘാടനം ചെയ്തു. ടൗൺ വെസ്റ്റ് മേഖല സെക്രട്ടറി സി ബി ആദർശ് അധ്യക്ഷനായി. സയൻസ് പാർക്കിലെ സാധന സാമഗ്രികളെല്ലാം കാലപ്പഴക്കം ചെന്ന് തുരുമ്പെടുത്ത് നശിച്ചതിനാൽ അടച്ചിട്ടിരിക്കുകയാണ്. പാർക്കിലെ പ്രധാന ആകർഷണമായ മ്യൂസിക്കൽ വാട്ടർ ഫൗണ്ടൻ തകരാറിലായിട്ട് പതിറ്റാണ്ട് പിന്നിട്ടു. മാലിന്യങ്ങൾ കുന്നുകൂടി കിടക്കുന്നതും വെളിച്ചമില്ലായ്മയും പാർക്കിലെത്തുന്നവർക്ക് ബുദ്ധിമുട്ടുണ്ടാക്കുകയാണ്. ജിസിഡിഎ ബജറ്റിൽ വകയിരുത്തിയ ഓപ്പൺ ജിം ഇതുവരേയും യാഥാർഥ്യമായിട്ടില്ല. പ്രതിപക്ഷ നേതാവ് വി ഡി സതീശൻ നിസംഗത വെടിയണമെന്നും നഗരസഭ ഭരണാധികാരികളുടെ അനാസ്ഥ അവസാനിപ്പിക്കണമെന്നും സമരക്കാർ ആവശ്യപ്പെട്ടു. ബ്ലോക്ക് പ്രസിഡൻ്റ് അഖിൽ ബാവച്ചൻ, ട്രഷറർ പി ആർ സജേഷ്കുമാർ, സിപിഎം ടൗൺ ഈസ്റ്റ് ലോക്കൽ സെക്രട്ടറി സി സജീഷ്കുമാർ, നിവേദ് മധു, എ എം മിജോഷ്, കെ വി വിനിൽ എന്നിവർ സംസാരിച്ചു.

Tags:

enlightmedia,malayalamnews,kerala,latestnews