CPIM Tirurangadi Area Conference concluded.

തിരൂരങ്ങാടി : സി.പി.ഐ.എം. തിരൂരങ്ങാടി ഏരിയാ സമ്മേളനം സമാപിച്ചു. നവംബർ 13, 14, 15 തീയതികളിലായി ചെമ്മാട് സി കെ ബാലൻ നഗറിൽ ( തിരൂരങ്ങാടി സഹകരണ ബാങ്ക് ഓഡിറ്റോറിയം ) മുതിർന്ന അംഗം കെ. പ്രഭാകരൻ പതാക ഉയർത്തി തുടർന്ന് ഗ്രാമിക പള്ളിപ്പുറം പാട്ട് കൂട്ടം അവതരിപ്പിച്ച സ്വാഗതഗാനത്തോടെ പ്രതിനിധി സമ്മേളനത്തിന് തുടക്കം കുറിച്ചു. സംസ്ഥാന കമ്മറ്റി അംഗം വി.പി. സാനു പ്രതിനിധി സമ്മേളനം ഉദ്ഘാടനം ചെയ്തു.

ഇന്നലെ പ്രവർത്തന റിപ്പോർട്ടിൻ മേൽ ഉള്ള ചർച്ചയ്ക്ക് ഏരിയ സെക്രട്ടറി തയ്യിൽ അലവി, സംസ്ഥാന കമ്മറ്റി അംഗം വി.പി. സാനു എന്നിവർ മറുപടി പറഞ്ഞു. ജില്ലാ സെക്രട്ടറിയേറ്റ് അംഗങ്ങളായ ഇ. ജയൻ, വി. രമേശൻ എന്നിവർ സംസാരിച്ചു. അഡ്വ. സി. ഇബ്രാഹിംകുട്ടി നന്ദി പറഞ്ഞു. സമ്മേളനത്തിന് സമാപനം കുറിച്ച് കരിപറമ്പിൽ നിന്ന് കനത്ത മഴയിലും ആവേശം ചോരാതെ ബാൻഡ് മേള വാദ്യങ്ങളോടെ റെഡ് വളൻ്റിയർമാർച്ചും പൊതുപ്രകടനവും നടന്നു. ചെമ്മാട് കോടിയേരി ബാലകൃഷ്ണൻ നഗറിൽ നടന്ന പൊതു സമ്മേളനം കെ.ടി. ജലീൽ എം എൽ എ ഉദ്ഘാടനം ചെയ്തു. ഏരിയാ സെക്രട്ടറി തയ്യിൽ അലവി അധ്യക്ഷത വഹിച്ചു.

ജില്ലാ സെക്രട്ടറിയേറ്റ് അംഗം ഇ. ജയൻ, ജില്ലാ കമ്മറ്റി അംഗം വി.പി. സോമസുന്ദരൻ എന്നിവർ സംസാരിച്ചു. സ്വാഗത സംഘം ജനറൽ കൺവീനർ അഡ്വ. സി. ഇബ്രാഹിം കുട്ടി സ്വാഗതവും, തിരൂരങ്ങാടി ലോക്കൽ സെക്രട്ടറി എം.പി. ഇസ്മായിൽ നന്ദിയും പറഞ്ഞു. റെഡ് ബാൻഡ് കാലിക്കറ്റ് അവതരിപ്പിച്ച ഗാനമേളയും, കലാപരിപാടികളോടും കൂടി സമ്മേളനം സമാപിച്ചു.

പുതിയ ഏരിയാ കമ്മറ്റി

തയ്യിൽ അലവി - സെക്രട്ടറിയായി 16 അംഗ കമ്മറ്റിയെ സമ്മേളനം തെരഞ്ഞെടുത്തു. കമ്മറ്റി അംഗങ്ങൾ : തുടിശ്ശേരി കാർത്തികേയൻ, അഡ്വ. സി. ഇബ്രാഹിം കുട്ടി, സി. സിറാജുദ്ധീൻ, കെ. ഉണ്ണികൃഷ്ണൻ, പി. സാഹിർ, കെ.കെ.ജയചന്ദ്രൻ, കെ. രാമദാസ്, എം. ബൈജു, എൻ. എം. ഷമേജ്, അഡ്വ. ഒ. കൃപാലിനി, കെ.വി. മജീദ്, നിയാസ് തയ്യിൽ, എം.പി. ഇസ്മായിൽ, ടി.പി. മഞ്ജുഷ പ്രലോഷ്