കാൻസർ ദിന ബോധവൽക്കരണ ക്ലാസ് നടത്തി

തിരൂരങ്ങാടി : പി.എസ്‌.ഒ.എം.ഒ കോളേജിൽ കാൻസർ ദിന ബോധവൽക്കരണ ക്ലാസ് നടത്തി. പരിപാടി ലയൺസ് ക്ലബ് ഓഫ് തിരൂരങ്ങാടി, ഇന്ത്യൻ ഡെന്റൽ അസോസിയേഷൻ തിരൂർ ബ്രാഞ്ച്, പി.എസ്‌.ഒ.എം.ഒ കോളേജ് അലുമ്നി അസോസിയേഷൻ, എൻ.എസ്.എസ് യൂണിറ്റ്, പി.എസ്‌.ഒ.എം.ഒ കോളേജ് എന്നിവയുടെ സഹകരണത്തോടെ നടന്നു.

ഉച്ചയ്ക്ക് 2 മണിക്ക് ആരംഭിച്ച പരിപാടിയിൽ പ്രിൻസിപ്പൽ ഇൻ ചാർജ് ബാസിം അധ്യക്ഷ സ്ഥാനം നിർവഹിച്ചു. എൻ എസ്‌ എസ്‌ പ്രോഗ്രാം ഓഫീസർ ഡോ അലി അക്ഷത്, ലയൺസ് ക്ലബ്ബ് പ്രസിഡന്റ് സിദ്ദീഖ് എം.പി, സെക്രട്ടറി കെ ടി മുഹമ്മദ് ഷാജു, ട്രഷറർ അബ്ദുൽ അമർ, പ്രോഗ്രാം ഡയറക്ടർ ഡോ. സ്മിത ആനി എന്നിവരടങ്ങുന്ന അതിഥികളായി.

മുഖ്യതിഥിയായി ഡോ. അനിൽ ജോൺ പീറ്റർ എം.ഡി.എസ് (ഓറൽ & മാക്‌സിലോഫേഷ്യൽ സർജൻ) സംസാരിച്ചു. ഓറൽ കാൻസറിന്റെ പ്രാധാന്യം, പ്രതിരോധ മാർഗങ്ങൾ, നേരത്തേ രോഗം കണ്ടെത്തുന്നതിനുള്ള സംവിധാനങ്ങൾ തുടങ്ങിയ വിഷയങ്ങളാണ് അദ്ദേഹം വിശദീകരിച്ചത്.

നൂറോളം എൻ.എസ്.എസ് വോളണ്ടിയർമാർ സജീവമായി പരിപാടിയിൽ പങ്കെടുത്തു. പ്രഭാഷകനെ ചോദ്യങ്ങൾ ചോദിച്ച് സംവദിക്കാനുള്ള അവസരവും സംശയ നിവാരണവും നടന്നു.

എൻ.എസ്.എസ് വോളണ്ടിയർ മുനവ്വിർ നന്ദി പ്രഭാഷണം നടത്തി . ഓറൽ കാൻസറിനെ കുറിച്ചുള്ള ബോധവൽക്കരണത്തിന്റെ പ്രാധാന്യം ഊട്ടിയുറപ്പിച്ചുള്ള ചർച്ചയോടു കൂടി പരിപാടി സമാപിച്ചു.

Tags:

enlightmedia,malayalamnews,kerala,latestnews