Asan Smriti Celebration - Veenapoo ' State Level Art Competitions to be held tomorrow at Vaikom.

വൈക്കം: കുമാരനാശാൻ്റെ 100-ാമത് ചരമവാർഷികത്തോടനുബന്ധിച്ച് എസ്.എൻ.

ഡി. പി യോഗം വനിതാ സംഘം കേന്ദ്ര സമിതിയുടെ നേതൃത്വത്തിൽ സംഘടിപ്പിക്കുന്ന 'ആശാൻ സ്മൃതി ആചരണം - വീണപൂവ് ' സംസ്ഥാനതല കലാ മത്സരങ്ങൾ ബുധനാഴ്ച രാവിലെ 10 മുതൽ വൈക്കം ആശ്രമം സ്കൂളിൽ നടക്കും. കേരളത്തിലെ വിവിധ ജില്ലകളെ മേഖല അടിസ്ഥാനത്തിൽ തിരിച്ച് കുമാരനാശാൻ സ്മൃതി ആചരണത്തിന്റെ ഭാഗമായി നടന്ന മത്സരങ്ങളിൽ ഒന്നും രണ്ടും സ്ഥാനക്കാരാണ് ഫൈനൽ മത്സരങ്ങളിൽ മാറ്റുരയ്ക്കുക. സമുഹത്തിലെ ഉച്ഛനീചത്വങ്ങൾക്കെതിരെ പൊരുതിയ കുമാരനാശാൻ്റെ കൃതികളെ യുവ തലമുറയ്ക്ക് പകർന്ന് നൽകുന്നതിനും ബോധ്യപ്പെടുത്തുന്നതിനുമാണ് സംസ്ഥാന തലത്തിൽ പരിപാടി സംഘടിപ്പിച്ചതെന്ന്

ഭാരവാഹികൾ വാർത്താ സമ്മേളനത്തിൽ പറഞ്ഞു. കുമാരനാശാൻ എഴുതിയ ദുരവസ്ഥ, ചണ്ഡാലഭിക്ഷുകി എന്നിവയെ അടിസ്ഥാനമാക്കി നൃത്തനാടകവും നടക്കും.

സമാപന സമ്മേളന ഉദ്ഘാടനവും സമ്മാന വിതരണവും എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ നിർവ്വഹിക്കുമെന്ന് വനിതാ സംഘം കേന്ദ്ര സമിതി പ്രസിഡൻ്റ് കെ.പി.കൃഷ്ണകുമാരി, വൈസ് പ്രസിഡൻ്റ് ഇ.എസ്.ഷീബ, സെക്രട്ടറി അഡ്വ.സംഗീത വിശ്വനാഥൻ വനിതാ സംഘം വൈക്കം യൂണിയൻ പ്രസിഡൻറ് ഷീജ സാബു, സെക്രട്ടറി സിനി പുരുഷോത്തമൻ എന്നിവർ വാർത്താ സമ്മേളനത്തിൽ പറഞ്ഞു.