Arabic Handbook to be released immediately; KATF

പരപ്പനങ്ങാടി : അറബിക് ഭാഷാ പഠനത്തിന്റെ നിലവാരവും ക്ലാസ് മുറിയിലെ അധ്യാപനത്തിന്റെ ഫലപ്രാപ്തിയും ഉയർത്തു ന്നതിനായി അറബിക് പാഠപു സ്‌തകത്തോടൊപ്പം തന്നെ അധ്യാപകർക്ക് നൽകേണ്ട കൈപുസ്‌തകം ഉടൻ പുറത്തിറക്കണമെന്ന് കേരള അറബിക് ടീച്ചേഴ്സ് ഫെഡറേഷൻ പരപ്പനങ്ങാടി ഉപജില്ല കമ്മിറ്റി ആവശ്യപ്പെട്ടു.

പാഠപുസ്തകങ്ങൾ പുതുക്കിയ സാഹചര്യത്തിൽ, അധ്യാപകർക്ക് ആശയവിനിമയത്തിൻ്റെയും പഠനമാർഗ്ഗ നിർ ദേശങ്ങളുടെയും ഏകോപനം വളരെ പ്രധാനപ്പെട്ടതാണ്. പാഠ പുസ്‌തകവുമായി ബന്ധപ്പെട്ട് കൈപുസ്‌തകങ്ങൾ ഇല്ലാതെയാണ് അവധിക്കാല പരിശീലനങ്ങൾ സംഘടിപ്പിച്ചിട്ടുള്ളതെന്നും ഇത് വിദ്യാർത്ഥികളുടെ പഠന നിലവാരത്തെയും അധ്യാപകരുടെ ആഗോളരീതിയിയുള്ള സമീപനത്തെയും ബാധിക്കുമെന്നും കേരള അറബിക് ടീച്ചേഴ്‌സ് ഫെഡറേഷൻ പരപ്പനങ്ങാടി സബ്ജില്ലാ കമ്മിറ്റി അഭിപ്രായപ്പെട്ടു.

ചടങ്ങിൻ്റെ ഉദ്ഘാടനം മണ്ഡലം മുസ്‌ലിം യൂത്ത് ലീഗിൻ്റെ പ്രസിഡണ്ട് യു.എ. റസാഖ് നിർവ്വഹിച്ചു. സബ്ജില്ലാ പ്രസിഡൻ്റ് ടി.പി. മുഹമ്മദ് അസ്‌ലം അധ്യക്ഷതവഹിച്ചു. സംസ്ഥാന ജനറൽ സെക്രട്ടറി മൻസൂർ മാടമ്പാട്ട് മുഖ്യപ്രഭാഷണം നിർവ്വഹിച്ചു. സംസ്ഥാന കൗൺസിലർ മുനീർ താനാളൂർ സബ്ജില്ല സെക്രട്ടറി മുജാഹിദ് പനക്കൽ, ട്രഷറർ പി.പി.അബ്ദുൽ നാസർ വിദ്യാഭ്യാസ ജില്ല സെക്രട്ടറി മുജീബ് ചുള്ളിപ്പാറ, റനീഷ് പാലത്തിങ്ങൽ, അബ്ദുൽ നാസർ മൂർക്കത്ത്, ഹഫ്സത്ത് ടീച്ചർ മൂന്നിയൂർ, നജിയ ടീച്ചർ, ഉമ്മുകുൽസു ടീച്ചർ, എം.സിദ്ധീഖ് കുന്നത്ത്പറമ്പ് എന്നിവർ സംസാരിച്ചു. മൂന്ന് പതിറ്റാണ്ട് കാലം അധ്യാപന മേഖലയിലെ സർവ്വീസിൽ പടിയിറങ്ങുന്ന സംസ്ഥാന വൈസ് പ്രസിഡണ്ട് ടി.പി. അബ്ദുൽ റഹിം, സംസ്ഥാന കൗൺസിലർ കെ.എം.സിദ്ധീഖ്, എ അബ്ദുസ്സലാം, കെ. അബ്ദുൽ അസീസ്, സി മൊയ്തീൻകുട്ടി എന്നിവർക്ക് ഹൃദ്യമായ യാത്രയപ്പും നൽകി.

ലോക അറബി ഭാഷാ ദിനത്തോടനുബന്ധിച്ച് സ്കൂൾ വിദ്യാർത്ഥികൾക്കായി നടത്തിയ തത്സമയ മാഗസിൻ നിർമ്മാണ മത്സരത്തിൽ വിജയകളായ വിദ്യാർത്ഥികൾക്കുള്ള സമ്മാനദാനവും നൽകി. സബ്ജില്ലയിലെ വിവിധ വിദ്യാലയങ്ങളിൽ നിന്നായി അധ്യാപകർ പങ്കെടുത്തു.