അങ്കണവാടി ഹെൽപറായി വന്നു; നാട്ടുകാരുടെ ചേച്ചിയായി മടങ്ങി.

01 May 2025 19:30 IST

Share News :

Anganwadi came as a helper; returned as a sister of the locals.

തിരുരങ്ങാടി : അങ്കണവാടിയിൽ ഹെൽപറായി ജോലിയിൽ പ്രവേശിച്ച് പിന്നീട് നാട്ടുകാരുടെ പ്രിയപ്പെട്ട ചേച്ചിയായി വിരമിച്ചു. മൂന്നിയൂർ കളത്തിങ്ങൽ പാറ 143-ാം നമ്പർ അങ്കണവാടിയിൽ ഹെൽപറായി ജോലിയിൽ പ്രവേശിച്ച സുഭദ്രയാണ് നാട്ടുകാർക്കും കുട്ടികൾക്കും സ്നേഹ നിധിയായ ചേച്ചിയായി മാറി

സർവ്വീസിൽ നിന്നും വിരമിച്ചത്.

മൂന്നിയൂർ കലം കൊള്ളിയാല സ്വദേശിനിയായ സുഭദ്ര അങ്കണവാടി കുട്ടികളുടെ മാതാവായും നാട്ടുകാരുടെ ചേച്ചിയായും മാറുകയായിരുന്നു. അങ്കണവാടി ടീച്ചർ മീറ്റിംഗിനോ മറ്റോ പുറത്ത് പോയാൽ പിന്നെ സുഭദ്രയാണ് കുട്ടികൾക്ക് ടീച്ചർ. സുഭദ്ര അങ്കണവാടിയിൽ പോറ്റി വളർത്തിയ അന്നത്തെ പല കുട്ടികളുടെയും മക്കൾ ഇന്ന് ഈ അങ്കണവാടിയിൽ പഠിക്കുന്നുണ്ട് എന്നതും പ്രത്യേകതയാണ്.

സർവ്വീസിൽ നിന്നും വിരമിക്കുന്ന സുഭദ്രക്ക് അങ്കണവാടി A.L .M .S.C കമ്മറ്റിയുടെയും നാട്ടുകാരുടെയും രക്ഷിതാക്കളുടെയും ആഭിമുഖ്യത്തിൽ നൽകിയ യാത്രയയപ്പ് പരിപാടി വികാര നിർഭരമായിരുന്നു. പി.കെ.കുഞ്ഞി മുഹമ്മദ് ഹാജിയുടെ അദ്ധ്യക്ഷതയിൽ നടന്ന ചടങ്ങ് വാർഡ് മെമ്പർ എൻ.എം.റഫീഖ് ഉദ്ഘാടനം ചെയ്തു.അഷ്റഫ് കളത്തിങ്ങൽ പാറ, വി.പി. ആലി ബാവ , കെ. സൈഫുദ്ധീൻ , വി.പി.മുജീബ്, സി.സക്കീർ , മന്ജുള ടീച്ചർ, വി.പി. പീച്ചു പ്രസംഗിച്ചു. വാർഡ് മെമ്പർ റഫീഖ് ഉപഹാരം നൽകി. സുഭദ്ര യാത്രയയപ്പിന് നന്ദി പറഞ്ഞു.

Tags:

enlightmedia,malayalamnews,kerala,latestnews