World Blood Donor Day was inaugurated at District Hospital, Nilambur.

മലപ്പുറം : ലോക രക്തദാതാ ദിനാചരണം ജില്ലാതല ഉദ്ഘാടനം നിലമ്പൂർ ജില്ലാശുപത്രിയിൽ വച്ച് നടന്നു. ഉദ്ഘാടനം ജില്ലാ പഞ്ചായത്ത് വൈസ് പ്രസിഡൻ്റ് ഇസ്മയിൽ മുത്തേടം നിർവഹിച്ചു. ചടങ്ങിൽ ഡി.എം ഒ ആർ രേണുക അധ്യക്ഷയായി. നോർത്ത് ഡി. എഫ് ഒ കാർത്തിക് മുഖ്യാതിഥിയായി. സംസ്ഥാനത്തിന് തന്നെ മാതൃകയാകുന്ന തരത്തിലുള്ള രകത ബാങ്ക് സൗകര്യം നിലമ്പൂർ ജില്ലാശുപത്രിയിൽ ഒരുക്കിയതിനെ ജില്ലാപഞ്ചായത്ത് വൈസ് പ്രസിഡൻ്റ് അഭിനന്ദിച്ചു.

ആരോഗ്യ കേരളം ജില്ലാപ്രോഗ്രാം മാനേജർ ഡോ. അനൂപ് ടി.എൻ പ്രതിജ്ഞ ചൊല്ലി കൊടുത്തു. ബ്ലഡ് ട്രാൻസ്ഫ്യൂഷൻ സർവീസസ് നോഡൽ ഓഫീസർ ഡോ. പ്രവീണ കെ.കെ രക്തദാനം പൊതുജനങ്ങൾ ശ്രദ്ധിക്കേണ്ടത് എന്ന വിഷയത്തിൽ ക്ലാസെടുത്തു .ചടങ്ങിൽ വാർഡ് കൗൺസിലർ അരുമ ജയകൃഷ്ണൻ ഡി.എസ്.ഒ ഡോ ഷുബിൻ സി,ജില്ല മാസ് മീഡിയ ഓഫീസർ പി. രാജു, നിലമ്പൂർ ജില്ലാശുപത്രി സുപ്രണ്ട് ഡോ. ഷിനാസ് ബാബു തുടങ്ങിയവർ പങ്കെടുത്തു.

ഷോർട്ട് ഫിലിം മത്സരത്തിൽ മമ്പാട് ഡി.ജി .എം എം.ഇ എസ് കോളേജ് ഒന്നാം സ്ഥാനം കരസ്ഥമാക്കി.രണ്ടാം സ്ഥാനം ഗവൺമെൻ്റ് വുമൺസ് പോളിടെക്നിക്ക് കോളേജ് കോട്ടക്കലും മൂന്നാം സ്ഥാനം എസ് എസ് എം പി ടി സി തിരൂരും സ്വന്തമാക്കി. സമ്മാനാർഹമായ ഷോർട്ട് ഫിലിമുകളുകളുടെ പ്രദർശനവും നടത്തി.ഷോട്ട് ഫിലിം മത്സരത്തിൽ വിജയിച്ചവർക്കുള്ള സമ്മാനദാനം നോർത്ത് ഡി. എഫ് ഒ കാർത്തിക് നിർവഹിച്ചു.ചടങ്ങിൽ സന്നദ്ധ രക്ത ദാതാക്കളെയും സംഘടനകളെയും ആദരിച്ചു.

Tags:

blood donation