Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
20 Feb 2025 09:25 IST
Share News :
സവേരിയന്‍ പുരസ്‌കാരം
പ്രൊഫ. വര്‍ഗീസ് മാത്യുവിനും
അല്‍ഫോണ്‍സ ടീച്ചര്‍ക്കും സമ്മാനിച്ചു.
സെന്റ് സേവ്യറിന്റെ പേരില്‍ എരഞ്ഞിപ്പാലം സെന്റ് സേവ്യേഴ്‌സ് കോളേജ് ഏര്‍പ്പെടുത്തിയ സവേരിയന്‍ പുരസ്‌കാരദാനം അഭിവന്ദ്യ കോഴിക്കോട് ബിഷപ്പ് ഡോ. വര്‍ഗീസ് ചക്കാലക്കല്‍ നിര്‍വ്വഹിച്ചു.
കോളേജില്‍ നടന്ന ബിരുദദാന-കോളേജ് ഡേ ചടങ്ങില്‍ പ്രൊഫ. വര്‍ഗീസ് മാത്യുവും അല്‍ഫോണ്‍സ ടീച്ചറും പുരസ്‌കാരം ഏറ്റുവാങ്ങി.
വിദ്യാഭ്യാസ-സാംസ്‌കാരിക-സാമൂഹിക-സേവന മേഖലകളിലെ സംഭാവനകള്‍ പരിഗണിച്ചാണ് പുരസ്‌കാരം.
മലബാര്‍ ക്രിസ്ത്യന്‍ കോളേജില്‍ നിന്ന് ഫിസിക്‌സ് വകുപ്പ് മേധാവിയായി റിട്ടയര്‍ ചെയ്തതിന് ശേഷം മണാശ്ശേരി കെ.എം.സി.ടി ആര്‍ട്‌സ് ആന്റ് സയന്‍സ് കോളേജ്, കൈതപ്പൊയില്‍ ലിസ കോളേജ്, എരഞ്ഞിപ്പാലം സെന്റ് സേവ്യേഴ്‌സ് കോളേജ് എന്നിവിടങ്ങളില്‍ പ്രിന്‍സിപ്പലായി സേവനമനുഷ്ഠിച്ച പ്രൊഫ. വര്‍ഗീസ് മാത്യു നിലവില്‍ എന്‍.ഐ.ടി. മൈന്റ്ഫുള്‍നെസ് മെഡിറ്റേഷന്‍ റിസര്‍ച്ച് ഫെല്ലോയാണ്. നടക്കാവ് ഗവ. ഗേള്‍സ് ഹയര്‍ സെക്കണ്ടറി സ്‌കൂളില്‍ അധ്യാപികയായിരുന്ന അല്‍ഫോണ്‍സ മാത്യു സാമൂഹ്യ സേവന മേഖലകളില്‍ ശ്രദ്ധേയമായ പ്രവര്‍ത്തനങ്ങള്‍ നടത്തിയിട്ടുണ്ട്. നിലവില്‍ കോഴിക്കോട് കോര്‍പ്പറേഷന്‍ നടക്കാവ് വാര്‍ഡ് കൗണ്‍സിലറാണ്.
റോമന്‍ കാത്തലിക് വൈദികനായിരുന്ന സെന്റ് സേവ്യേഴ്‌സ് ലോകമെമ്പാടും വിദ്യാഭ്യാസ മേഖലയില്‍ നടത്തിയ സംഭാവനകളുടെ സ്മരണാര്‍ത്ഥം ലോകത്തിന്റെ വിവിധ ഭാഗങ്ങളില്‍ നിരവധി വിദ്യാഭ്യാസ സ്ഥാപനങ്ങള്‍ സ്ഥാപിതമായിട്ടുണ്ട്. ഇന്ത്യയിലെ ആദ്യത്തെ കോളേജായ കൊല്‍ക്കത്ത സെന്റ് സേവ്യേഴ്‌സ് കോളേജ് അടക്കം പതിനഞ്ചോളം കോളേജുകള്‍ രാജ്യത്തുണ്ട്. അദ്ദേഹത്തിന്റെ നാമധേയത്തില്‍ കേരളത്തില്‍ സ്ഥാപിക്കപ്പെട്ട പ്രധാന കോളേജാണ് കോഴിക്കോട് എരഞ്ഞിപ്പാലം സെന്റ് സേവ്യേഴ്‌സ് കോളേജ്.
ഫോട്ടോ അടിക്കുറിപ്പ്: സെന്റ് സേവ്യറിന്റെ പേരില്‍ കോഴിക്കോട് എരഞ്ഞിപ്പാലം സെന്റ് സേവ്യേഴ്‌സ് കോളേജ് ഏര്‍പ്പെടുത്തിയ സവേരിയന്‍ പുരസ്‌കാരം കോഴിക്കോട് ബിഷപ്പ് ഡോ. വര്‍ഗീസ് ചക്കാലക്കലില്‍ നിന്നും പ്രൊഫ. വര്‍ഗീസ് മാത്യുവും അല്‍ഫോണ്‍സ മാത്യുവും സ്വീകരിക്കുന്നു.
Follow us on :
Tags:
More in Related News
Please select your location.
