10 Aug 2024 08:54 IST
Share News :
സഈരാറ്റുപേട്ട: ഒരു നാടിന്റെ വിദ്യാഭ്യാസ-സാംസ്കാരിക പ്രവർത്തനത്തിൽ വിപ്ലവകരമായ മാറ്റം സൃഷ്ടിച്ച മുസ്ലിം ഗേൾസ് ഹയർ സെക്കൻഡറി സ്കൂളിൽ രണ്ടുവർഷം നീളുന്ന വജ്രജൂബിലി ആഘോഷങ്ങൾക്കായി ഒരുക്കമാരംഭിച്ചു. ആഘോഷപരിപാടികളുടെ ഉദ്ഘാടനം തിങ്കളാഴ്ച രാവിലെ 10ന് സ്കൂൾ ഓഡിറ്റോറിയത്തിൽ മജീഷ്യൻ ഗോപിനാഥ് മുതുകാട് നിർവഹിക്കും. എം.ഇ.ടി ട്രസ്റ്റ് ചെയർമാൻ പ്രഫ. എം.കെ. ഫരീദ് അധ്യക്ഷത വഹിക്കും. എം.കെ. കൊച്ചുമക്കാർ മെമ്മോറിയൽ ഡയമണ്ട് ജൂബിലി ഗേറ്റിന്റെ ഉദ്ഘാടനം ആന്റോ ആന്റണി എം.പിയും ലോഗോപ്രകാശനം അഡ്വ. സെബാസ്റ്റ്യൻ കുളത്തുങ്കൽ എം.എൽ.എയും നിർവഹിക്കും. വയനാട് ദുരന്തബാധിതർക്കുള്ള മുഖ്യമന്ത്രിയുടെ ദുരിതാശ്വാസനിധിയിലേക്കുള്ള അഞ്ചുലക്ഷം രൂപയുടെ ചെക്ക് എം.എൽ.എക്ക് കൈമാറും. സ്കൂൾ മാനേജർ എം.കെ. അൻസാരി ആമുഖപ്രഭാഷണം നിർവഹിക്കും.
ട്രസ്റ്റ് ചെയർമാൻ പ്രഫ. എം.കെ. ഫരീദ്, സെക്രട്ടറി പി.കെ. കൊച്ചുമുഹമ്മദ്, ട്രഷറർ എം.എസ്. കൊച്ചുമുഹമ്മദ്, പി.പി. താഹിറ, എം.പി. ലീന, എച്ച്. നിജാസ് എന്നിവർ വാർത്താസമ്മേളനത്തിൽ പങ്കെടുത്തു.
Follow us on :
More in Related News
Please select your location.