Seventy-four lakh fifty thousand rupees seized for attempting to enter the car without documents

പെരിന്തൽമണ്ണ. രേഖകളില്ലാതെ കാറിൽ കടത്താൻ ശ്രമിച്ച എഴുപത്തിനാലു ലക്ഷത്തി അമ്പതിനായിരം രൂപ പിടികൂടി. മഞ്ചേരി സ്വദേശികളായ സ്രാമ്പിക്കൽ മൺസൂർ അലി(37), കിണറ്റിങ്ങൽ അബ്ദുൾ റഹീം(37), പാപ്പാടത്തിൽ അജ്മൽ, (37), കണ്ണിയൻ നജീബ് (41)എന്നിവർ സഞ്ചരിച്ച ടവേര കാറിൽ നിന്നാണ് മതിയായ രേഖകളില്ലാതെ പണം പിടികൂടിയത്.

ജില്ലാ പോലീസ് മേധാവി ആർ. വിശ്വനാഥിന് ലഭിച്ച രഹസ്യവിവരത്തെ തുടർന്ന് മേലാറ്റൂർ പോലീസ് ഇൻസ്പെക്ടർ പി.എം.ഗോപകുമാറിൻ്റെ നേതൃത്വത്തിൽ മേലാറ്റൂർ പോലീസും ജില്ലാ പോലീസ് മേധാവിയുടെ പ്രത്യേക സ്ക്വാഡും ചേർന്ന് ഇന്ന് വൈകുന്നേരം 5 മണിയോടെ മേലാറ്റൂർ ടൗണിൽ വെച്ചു നടത്തിയ പരിശോധനയിലാണ് പണം പിടിച്ചെടുത്തത്. .

കാറിലെ രഹസ്യ അറയിൽ 500 രൂപയുടെ കെട്ടുകളായാണ് പണം സൂക്ഷിച്ചിരുന്നത്. പിടിച്ചെടുത്ത പണം കോടതിയിൽ ഹാജരാക്കും. ആദായ നികുതി വകുപ്പിനും ഇ ഡി ക്കും റിപ്പോർട്ട് നൽകും. സീനിയർ സിവിൽ പോലീസ് ഓഫീസർ പ്രമോദ് കൊളത്തൂർ, പ്രവീൺ പുത്തനങ്ങാടി, പ്രിയജിത്ത് തൈക്കൽ, സിപിഒ സുർജിത്, ഡ്രൈവർ സി പി ഒ രാജേഷ് കെ, ഹോം ഗാർഡ് മുഹമ്മദ് ഇക്ബാൽ എന്നിവരും ജില്ലാ പോലീസ് മേധാവിയുടെ പ്രത്യേക സ്ക്വാഡും ചേർന്നാണ് പണം പിടിച്ചെടുത്തത്.

Tags:

enlightmedia,malayalamnews,kerala,latestnews