Rahul Gandhi in Wayanad constituency tomorrow to thank voters.

മുക്കം: മണ്ഡലത്തോട് വിട പറയുന്നതിന് മുമ്പ് വോട്ടർമാരോട് നന്ദി പറയാൻ രാഹുൽ ഗാന്ധി എം പി നാളെ വയനാട് മണ്ഡലത്തിലെത്തുന്നു. രാവിലെ 10.30 ന് വയനാട് ലോക്സഭാ മണ്ഡലത്തിലെ മലപ്പുറം എടവണ്ണ ടൗണിലും, ഉച്ചക്ക് 2.30 ന് വയനാട് കൽപ്പറ്റയിലെ പുതിയ ബസ്റ്റാൻ്റ് പരിസരത്തും നടക്കുന്ന പൊതുയോഗങ്ങളിലാണ് രാഹുൽ ഗാന്ധി പങ്കെടുക്കുന്നത്. രണ്ടിടങ്ങളിലായി താൽക്കാലിക ഷെഡ്യൂൾ പ്രകാരമാണ് യോഗം തീരുമാനിച്ചത്. രാഹുൽ മണ്ഡലം വിട്ടാൽ ഇനി പകരമായി ആരാവുമെന്ന ആകാംശയും നിലനിൽക്കുന്നുണ്ട്. സിറ്റിങ് മണ്ഡലമായ വയനാട് ഒഴിവാക്കി റായ്ബറേലി നിലനിർത്താനാണ് നിലവിലെ ധാരണ.ഉത്തർപ്രദേശിലെരാഷ്ട്രീയ കാലാവസ്ഥ മാറ്റവും അത് മുതലെടുക്കാൻ രാഹുലിൻ്റെ സാന്നിധ്യം യുപിൽ വേണമെന്നാണ് പാർട്ടിപക്ഷത്തിൻ്റെ നിലപാട്. അതേ സമയം രാഷ്ട്രീയ ശരി റായ്ബറേലിയെന്നാണ് ഇന്ത്യ മുന്നണി വിലയിരുത്തുന്നത്. വോട്ടർമാരെ നേരിട്ട് അഭിമുഖീകരിക്കുമ്പോൾ രാഹുൽ ഗാന്ധി എന്ത് പറയുമെന്നതാണ് നാളെത്തെ രണ്ട് പൊതുയോഗങ്ങളിലും എല്ലാവരും ഉറ്റുനോക്കുന്നത്. ഏത് ലോകസഭാ മണ്ഡലത്തിൽ തുടരാനാണ് താല്പര്യമെന്ന് ശനിയാഴ്ചയ്ക്കകം രാഹുൽ ഗാന്ധി ലോക്സഭാ സ്പീക്കർക്ക് കത്തു നൽകും. അത് വരെ രാഹുലിൻ്റെ മൗനമുണ്ടാകുമെന്നും വിലയിരുത്തുന്നുണ്ട്. വയനാട് മണ്ഡലത്തിൽ നിന്ന് യുഡിഎഫ് പ്രതിനിധി സംഘം ദില്ലിയിലെത്തി മണ്ഡലമൊഴിയരുതെന്ന് അറിയിച്ചിട്ടുമുണ്ട്.

Tags:

enlightmedia,malayalamnews,kerala,latestnews