Malabar Sister Kho-Kho: Integrity of Dayapuram School

ദയാപുരം: സഹോദയ സ്കൂൾ കോംപ്ലക്സ് മലബാർ മേഖല സ്പോർട്സ് മീറ്റിന്‍റെ ഭാഗമായുള്ള ഖൊ-ഖൊ ടൂർണമെന്‍റില്‍ ആറില്‍ ആറു ചാമ്പ്യന്‍ഷിപ്പ് ട്രോഫികളും സ്വന്തമാക്കിയ ദയാപുരം റസിഡന്‍ഷ്യല്‍ സ്കൂളിന് ചരിത്രവിജയം. അണ്ടർ 12, അണ്ടർ 14, അണ്ടർ 17 വിഭാഗങ്ങളില്‍ ആണ്‍കുട്ടികള്‍ക്കും പെണ്‍കുട്ടികള്‍ക്കും വെവ്വേറെയായി നടത്തിയ മത്സരങ്ങളില്‍ ആറു കാറ്റഗറികളിലെയും മികച്ച കളിക്കാരും ദയാപുരം വിദ്യാർത്ഥികളാണ്.

ദയാപുരം സുല്‍ത്താന്‍ അലി സ്റ്റേഡിയത്തില്‍ രണ്ടുദിവസങ്ങളിലായി നടന്ന ടൂർണമെന്‍റില്‍ റണ്ണർ അപ് ട്രോഫി നേടിയവർ:

അണ്ടർ 12 ബോയ്സ് - ക്രസന്‍റ് സ്കൂള്‍ കളരാന്തിരി, അണ്ടർ 12 ഗേള്‍സ് - ഹില്‍ വ്യൂ ഇന്‍റർ നാഷണല്‍ സ്കൂള്‍ കൂടത്തായി.

അണ്ടർ 14 ബോയ്സ് - പ്രസ്റ്റീജ് പബ്ലിക് സ്കൂള്‍ മാങ്കാവ്, അണ്ടർ 14 ഗേള്‍സ് - പ്രസ്റ്റീജ് പബ്ലിക് സ്കൂള്‍ മാങ്കാവ്.

അണ്ടർ 17 ബോയ്സ് - പ്രസ്റ്റീജ് പബ്ലിക് സ്കൂള്‍ മാങ്കാവ്, അണ്ടർ 17 ഗേള്‍സ് - മഹ്ളറ പബ്ലിക് സ്കൂള്‍ മാവൂർ.

വ്യക്തിഗതചാമ്പ്യന്മാർ

അണ്ടർ 12 ബോയ്സ് - അബ്ദുള്‍ മുഹൈമിന്‍ എ കെ, ദയാപുരം. ഗേള്‍സ് - ഫാത്വിമ ഹല കെ, ദയാപുരം.

അണ്ടർ 14 ബോയ്സ് - ഹാഫി യൂസുഫ്,ദയാപുരം. ഗേള്‍സ് - അന്‍ജല്‍ സഫീർ എന്‍, ദയാപുരം.

അണ്ടർ 17 ബോയ്സ് - അയ്മന്‍ അഹമ്മദ് ഒ കെ, ദയാപുരം. ഗേള്‍സ് - അമീഗ ഷിറിന്‍, ദയാപുരം

ദയാപുരം ആസാദ്-അംബേദ്കർ അരീന സ്റ്റേഡിയത്തില്‍ ചേർന്ന സമാപനസമ്മേളനത്തില്‍ ദയാപുരം ഡെപ്യൂട്ടി ഡയറക്ടർ ടിജി വി ഏബ്രഹാം, മലബാർ സഹോദയ പ്രസിഡന്‍റ് മോനി യോഹന്നാന്‍, പ്രസ്റ്റീജ് പബ്ലിക് സ്കൂൾ പ്രിൻസിപ്പൽ നിയാസ് ചിറക്കൽ, ദയാപുരം സ്കൂള്‍ പ്രിന്‍സിപ്പല്‍ പി. ജ്യോതി എന്നിവർ വിജയികളെ ട്രോഫികളും സർട്ടിഫിക്കറ്റുകളും നല്കി അനുമോദിച്ചു. ടൂർണമെന്‍റിന് ദയാപുരം കായികവിഭാഗം അധ്യാപകരായ സി.എസ് സന്ദീപ്, നീനു ടി, നിധിന്‍ എ.കെ, അശ്വനി എസ്.വി തുടങ്ങിയവർ നേതൃത്വം നല്കി.