Future Scholars Talent Kozhikode: വിദ്യാർഥികൾക്കായി സൗജന്യ ടാലന്റ് അസസ്മെന്റും ജില്ലാ ക്വിസ് ചാമ്പ്യൻഷിപ്പും

Future Scholars Talent Kozhikode: Free Talent Assessment for Students and District Quiz Championship

കോഴിക്കോട്: ജില്ലയിലെ 9 മുതൽ 12 വരെ ക്ലാസുകളിലെ വിദ്യാർഥികൾക്കായി സറീന ട്രസ്റ്റ് "Future Scholars Talent Kozhikode" എന്ന പേരിൽ സൗജന്യ ടാലന്റ് അസസ്മെന്റും ജില്ലാ തല ക്വിസ് ചാമ്പ്യൻഷിപ്പും സംഘടിപ്പിക്കുന്നു. സംസ്ഥാന സിലബസ്, CBSE, ICSE ഉൾപ്പെടെ എല്ലാ സിലബസുകളിലുമുള്ള വിദ്യാർഥികൾക്കും പങ്കെടുക്കാം.

വിദ്യാർഥികളിൽ 21-ാം നൂറ്റാണ്ടിന് ആവശ്യമായ കഴിവുകളും (21st Century Core Skills) പ്രായോഗിക നൈപുണ്യ അധിഷ്ഠിത പഠനരീതിയും (Competency-Based Learning) വളർത്തുകയാണ് പദ്ധതിയുടെ ലക്ഷ്യം. കോഴിക്കോട് ആസ്ഥാനമായി പ്രവർത്തിക്കുന്ന രജിസ്റ്റർഡ് സറീന ട്രസ്റ്റ് സ്വന്തം ഫണ്ടുപയോഗിച്ചാണ് പദ്ധതി നടപ്പാക്കുന്നത്. വിദ്യാർഥികളിൽ നിന്നോ സ്കൂളുകളിൽ നിന്നോ രജിസ്ട്രേഷൻ ഫീസ് ഈടാക്കില്ല.

ആദ്യഘട്ട പരീക്ഷയായ 21st Century Core Skills Assessment Test ജൂലൈ 19 (ഞായർ) രാവിലെ 10 മണിക്ക് നടക്കാവ് ഗവ. ഗേൾസ് ഹയർ സെക്കൻഡറി സ്കൂളിൽ നടക്കും. ഓരോ സ്കൂളിനും ജൂനിയർ (9–10), സീനിയർ (11–12) വിഭാഗങ്ങളിൽ നിന്ന് അഞ്ച് വിദ്യാർഥികളെ വരെ നാമനിർദ്ദേശം ചെയ്യാം.

OMR മാതൃകയിലുള്ള പരീക്ഷയിൽ നെഗറ്റീവ് മാർക്കിംഗ് ഉണ്ടാകില്ല. രജിസ്റ്റർ ചെയ്യുന്ന വിദ്യാർഥികൾക്ക് സൗജന്യ ഓൺലൈൻ പരിശീലനം, എല്ലാ പങ്കെടുത്തവർക്കും സർട്ടിഫിക്കറ്റ്, മികച്ച പ്രകടനം കാഴ്ചവെക്കുന്നവർക്ക് മെറിറ്റ് സർട്ടിഫിക്കറ്റ് എന്നിവ നൽകും. ഉയർന്ന സ്കോർ നേടുന്നവർ Future Scholars District Quiz Championshipഗ്രാൻഡ് ഫിനാലെയിലേക്ക് യോഗ്യത നേടും.

ഫിനാലെയിൽ വിജയിക്കുന്ന ടീമുകൾക്ക് ₹10,000, ₹7,000, ₹4,000 വീതം ക്യാഷ് പ്രൈസുകളും ജില്ലാ ചാമ്പ്യൻ ട്രോഫിയും സമ്മാനിക്കും.

രജിസ്ട്രേഷനും കൂടുതൽ വിവരങ്ങൾക്കും 95398 92739 എന്ന നമ്പറിൽ കോർഡിനേറ്റർ **രജിഷ സി. കെ.**യെ ബന്ധപ്പെടാം.