Free Silence Medical Camp organised at Al Irshad.

മുക്കം: തെച്ചിയാട് അൽ ഇർശാദ് സ്ഥാപനങ്ങളുടെ സിൽവർ ജൂബിലി ആഘോഷങ്ങളുടെ ഭാഗമായി കെ.എം.സി.ടി മെഡിക്കൽ കോളേജിന്റെ സഹകരണത്തോടെ സമ്പൂർണ്ണ മെഡിക്കൽ ക്യാമ്പ് സംഘടിപ്പിച്ചു. ജനറൽ മെഡിസിൻ വിഭാഗം, നേത്ര രോഗ വിഭാഗം, ഇ.എൻ.ടി , ദന്തരോഗ വിഭാഗം, ത്വക്ക് രോഗ വിഭാഗം, എല്ലുരോഗ വിഭാഗം, ശിശുരോഗ വിഭാഗം, ശ്വാസകോശ രോഗവിഭാഗം എന്നീ വിഭാഗങ്ങളിലായാണ് ക്യാമ്പ് നടത്തിയത്. തിരുവമ്പാടി നിയോജക മണ്ഡലം എം.എൽ.എ ലിന്റോ ജോസഫ് ഉദ്ഘാടനം നിർവ്വഹിച്ചു. അൽ ഇർശാദ് ഗ്രൂപ്പ് ഓഫ് ഇൻസ്റ്റിറ്റ്യൂഷൻസ് ചെയർമാൻ സി കെ ഹുസൈൻ മുഹമ്മദ് നീബാരി അധ്യക്ഷത വഹിച്ചു. കോഴിക്കോട് മെഡിക്കൽ കോളേജ് സഹായി വാദിസലാം സെക്രട്ടറി നാസർ ചെറുവാടി മുഖ്യപ്രഭാഷണം നടത്തി. അൽ ഇർശാദ് സെൻട്രൽ സ്കൂൾ പ്രിൻസിപ്പൽ പി സി അബ്ദു റഹ്മാൻ, ഗഫൂർ കല്ലുരുട്ടി, ടി.സി.റസാഖ് സഖാഫി, ആർട്സ് & സയൻസ് കോളേജ് പ്രിൻസിപ്പൽ സലീന വി സംസാരിച്ചു. അഡ്മിനിസ്ട്രേറ്റർ മൻസൂർ അലി എ പി സ്വാഗതവും പ്രോഗ്രാം കോഡിനേറ്റർ ലിജോ ജോസഫ് നന്ദിയും പറഞ്ഞു. വിവിധ ഹോസ്പിറ്റലിലെ ഡിപ്പാർട്ട്മെന്റ് മേധാവികൾ ക്യാമ്പിന് നേതൃത്വം നൽകി. തുടർന്ന് നടന്ന മദനീയം ആത്മീയ സംഗമത്തിൽ ലത്തീഫ് സഖാഫി കാന്തപുരം മുഖ്യപ്രഭാഷണം നടത്തി. ഇബ്രാഹിം സഖാഫി താത്തൂർ ഉദ്ഘാടനം ചെയ്തു.ഒ എം അബൂബക്കർ ഫൈസി, ഹമീദ് സഖാഫി വലിയപറമ്പ്, അബ്ദുറഹ്മാൻ സഖാഫി അമ്പലക്കണ്ടി, ഇബ്രാഹിം മുസ്‌ലിയാർ ഓമശ്ശേരി, ജലീൽ മദനി തിരുവമ്പാടി, അബു ഹാജി പൂളപ്പൊയിൽ സംബന്ധിച്ചു. ബഷീർ സഖാഫി കളരാന്തരി സ്വാഗതവും അബൂബക്കർ കുട്ടി സഖാഫി തെച്ചിയാട് നന്ദിയും പറഞ്ഞു. സമ്മേളനത്തിന്റെ മൂന്നാം ദിവസമായ ഇന്ന് രാവിലെ ഒമ്പത് മണിക്ക് ജില്ലാതല ഖുർആൻ ഹിഫ്ള് പാരായണ മത്സരങ്ങൾ നടക്കും. വൈകുന്നേരം ഏഴ് മണിക്ക് നടക്കുന്ന ഇർഷാദ് ഇശൽ ഡോ. എം കെ മുനീർ എംഎൽഎ ഉദ്ഘാടനം ചെയ്യും. എസ്എസ്എഫ് കോഴിക്കോട് ജില്ലാ പ്രസിഡന്റ് റാഫി അഹ്സനി കാന്തപുരം മുഖ്യപ്രഭാഷണം നടത്തും. സയ്യിദ് ത്വാഹാ തങ്ങൾ പൂക്കോട്ടൂർ, റഊഫ് അസ്ഹരി ആക്കോട്, ഷഹീൻ ബാബു താനൂർ, നാസിഫ് കോഴിക്കോട് നേതൃത്വം നൽകും. വിവിധ ശൈലികളിലെ ഖുർആൻ പാരായണ ആസ്വാദനത്തിന് പ്രമുഖർ നേതൃത്വം നൽകും. സമ്മേളനം തിങ്കളാഴ്ച സമാപിക്കും.

Tags:

enlightmedia,malayalamnews,kerala,latestnews