Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
17 Nov 2024 16:26 IST
Share News :
ചാലക്കുടി ഉപജില്ല കലോല്‍സവം കൊടകരയില്‍ തിങ്കളാഴ്ച മുതല്‍
കൊടകര: ചാലക്കുടി വിദ്യാഭ്യാസ ഉപജില്ല സ്‌കൂള്‍ കലോത്സവം ഈ മാസം 18 മുതല്‍ 21 വരെ കൊടകരയില്‍ നടക്കുമെന്ന് സംഘാടക സമിതി ഭാരവാഹികള്‍ വാര്‍ത്തസമ്മേളനത്തില്‍ അറിയിച്ചു. കൊടകര ഗവ.ഹയര്‍ സെക്കന്‍ഡറി സ്‌കൂള്‍, ഗവ.നാഷണല്‍ ബോയ്‌സ് ഹൈസ്‌കൂള്‍, ഗവ.എല്‍.പി സ്‌കൂള്‍, സെന്റ്് ഡോണ്‍ബോസ്‌കോ ഹൈസ്‌കൂള്‍ എന്നിവിടങ്ങളിലെ എട്ടുവേദികളിലായാണ് കലോല്‍സവം അരങ്ങേറുന്നത്. ഉപജില്ലയിലെ 85 വിദ്യാലയങ്ങളില്‍ നിന്നുള്ള 1500 ലധികം പ്രതിഭകള്‍ മല്‍സരങ്ങളില്‍ മാറ്റുരക്കും. 18 ന് സ്റ്റേജിതര മത്സരങ്ങള്‍ നടക്കും. 19 ന് രാവിലെ ഒമ്പതിന് കൊടകര ജി.എല്‍.പി സ്‌കൂളില്‍ ബെന്നി ബെഹനാന്‍ എം.പി കലോത്സവം ഉദ്ഘാടനം ചെയ്യും. സനീഷ്‌കുമാര്‍ ജോസഫ് എം.എല്‍.എ അധ്യക്ഷത വഹിക്കും. നടി ശ്രീഷ്മചന്ദ്രന്‍ മുഖ്യാതിഥിയായിരിക്കും. 21 ന് വൈകുന്നേരം നടക്കുന്ന സമാപനസമ്മേളനം കെ.കെ.രാമചന്ദ്രന്‍ എം.എല്‍.എ ഉദ്ഘാടനം ചെയ്യും. ജില്ല പഞ്ചായത്ത് പ്രസിഡന്റ് വി.എസ്.പ്രിന്‍സ് അധ്യക്ഷത വഹിക്കും. സ്വാഗതസംഘം ചെയര്‍പേഴ്‌സണും കൊടകര പഞ്ചായത്ത് പ്രസിഡണ്ടുമായ അമ്പിളിസോമന്‍, ജനറല്‍ കണ്‍വീനറും കൊടകര ഗവ.ഹയര്‍ സെക്കന്‍ഡറി സ്‌കൂള്‍ പ്രിന്‍സിപ്പാളുമായ എം.സുധീര്‍, ചാലക്കുടി എ.ഇ.ഒ. പി.ബി.നിഷ , പബ്ലിസിറ്റി കണ്‍വീനര്‍ വി.എസ്.ബിന്ദു, സി.ആര്‍.രാഗേഷ് എന്നിവര്‍ വാര്‍ത്തസമ്മേളത്തില്‍ പങ്കെടുത്തു.
Follow us on :
Tags:
More in Related News
Please select your location.
3.jpg)
.jpeg)
