തലയോലപ്പറമ്പ് സിലോൺ കവലയ്ക്ക് സമീപം നിയന്ത്രണം വിട്ട കാർ 11 കെ.വി വൈദ്യുത പോസ്റ്റ് ഇടിച്ച് അപകടം; റോഡിൽ വൻ ഗതാഗതക്കുരുക്ക്.

28 Dec 2024 11:12 IST

Share News :

Car crashes into 11 KV electric post near headlamp Ceylon intersection; heavy traffic congestion on road

തലയോലപ്പറമ്പ്: നിയന്ത്രണം വിട്ട കാർ റോഡരികിലെ 11 കെ.വി വൈദ്യുത പോസ്റ്റിൽ ഇടിച്ചതിനെ തുടർന്ന് പോസ്റ്റ് ഒടിഞ്ഞ് വൈദ്യുതി കമ്പികൾ റോഡിലേക്ക് വീണ് പ്രധാന റോഡിൽ വൻ ഗതാഗതക്കുരുക്ക്. തലയോലപ്പറമ്പ്- കടുത്തുരുത്തി റോഡിൽ സിലോൺ കവലയ്ക്കും മാന്നാർ ജംഗ്ഷനും ഇടയ്ക്ക്

ശനിയാഴ്ച രാവിലെ 10 ഓടെയാണ് അപകടം. എറണാകുളത്ത് നിന്നും കോട്ടയം ഭാഗത്തേക്ക് പോകുകയായിരുന്ന കുറവിലങ്ങാട് സ്വദേശികൾ സഞ്ചരിച്ച കാറാണ് അപകടത്തിൽപ്പെട്ടത്.നിയന്ത്രണം വിട്ട കാർ എതിർദിശയിലുള്ള 11 കെ.വി വൈദ്യുത പോസ്റ്റിൽ ഇടിക്കുകയായിരുന്നു. ഇടിയുടെ ആഘാതത്തിൽ കാറിൻ്റെ മുൻവശം തകർന്നെങ്കിലും കാറിലുണ്ടായിരുന്ന രണ്ടംഗ സംഘം പരിക്കേൽക്കാതെ രക്ഷപ്പെട്ടു.സംഭവ സമയത്ത് വൈദ്യുതി ബന്ധം നിലച്ചതിനാൽ വൻ ദുരന്തം ഒഴിവാകുകയായിരുന്നു. വൈദ്യുതി കമ്പികൾ റോഡിലേക്ക് വീണതിനെ തുടർന്ന് കടുത്തുരുത്തി, തലയോലപ്പറമ്പ് കെ എസ് ഇ ബി അധികൃതർ ഉടൻ സ്ഥലത്തെത്തി ഇവ നീക്കം ചെയ്താണ് റോഡിൽ ഗതാഗതം പുന:സ്ഥാപിച്ചത്. അപകടത്തെ തുടർന്ന് തലയോലപ്പറമ്പ്- കടുത്തുരുത്തി പ്രധാന റോഡിൽ ഒരു മണിക്കൂറോളം ഗതാഗതം തടസ്സപ്പെട്ടു. കടുത്തുരുത്തി, തലയോലപ്പറമ്പ് എന്നിവിടങ്ങളിൽ നിന്നും പോലീസ് എത്തിയാണ് ഗതാഗതം നിയന്ത്രിച്ചത്.