Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
27 Jul 2024 20:33 IST
Share News :
തലയോലപ്പറമ്പ്: നിയന്ത്രണം വിട്ട സ്വകാര്യ ലിമിറ്റഡ് സ്റ്റോപ്പ് ബസ് മറിഞ്ഞ് 30 ഓളം പേർക്ക് പരുക്ക്, രണ്ടു പേരുടെ നില ഗുരുതരം. കോട്ടയം - എറണാകുളം റോഡിൽ തലയോലപ്പറമ്പിനടുത്ത് വെട്ടിക്കാട്ടുമുക്ക് ഗുരുമന്ദിരം ജങ്ഷനിലാണ് അപകടം.
എറണാകുളത്തു നിന്നും ഈരാറ്റുപേട്ടയ്ക്കു പോകുകയായിരുന്ന ആവേ മരിയ ബസ് ആണ് അപകടത്തിൽപെട്ടത്. ശനിയാഴ്ച വൈകിട്ട് 7.15 ഓടെയാണ് അപകടം നടന്നത്. അമിത വേഗത്തിൽ വന്ന ബസ്സ് വളവു വീശി എടുക്കുന്നതിനിടെ നിയന്ത്രണം വിട്ട് താഴ്ചയിലേക്കുമറിയുകയായിരുന്നുവെന്ന് ദൃക്സാക്ഷികൾ പറയുന്നു. ബസ് സമീപത്തെ അക്ഷയകേന്ദ്രത്തിൽ ഇടിച്ച് നിൽക്കുകയായിരുന്നു.തലകീഴായി മറിഞ്ഞ ബസ്സിനുള്ളിൽ നിന്നും പരിക്കേറ്റ യാത്രക്കാരെ ഓടി കൂടിയ നട്ടുകാരും മറ്റും ചേർന്ന് വിവിധ ആംബുലൻസുകളിൽ പൊതി, മുട്ടുചിറ എന്നിവിടങ്ങളിലെ സ്വകാര്യ ആശുപത്രിയിൽ പ്രവേശിപ്പിച്ചു. അപകടത്തെ തുടർന്ന് പ്രധാന റോഡിൽ ഒരു മണിക്കറോളം ഗതാഗതം തടസ്സപ്പെട്ടു.പോലീസും ഫയർഫോഴ്സും സ്ഥലത്തെത്തി.
Follow us on :
Tags:
More in Related News
Please select your location.
