171st Thirujayanthi of Sree Narayana Guru; Thayolaparambu Union jointly with Gurujayanthi Celebration.

തലയോലപ്പറമ്പ്: ശ്രീനാരായണ ഗുരുദേവൻ്റെ 171-ാമത് തിരുജയന്തി ആഘോം കെ ആർ നാരായണൻ സ്മാരക തലയോലപ്പറമ്പ് എസ്എൻഡിപി യൂണിയനിലെ 30 ശാഖകളുടെയുംസംയുക്ത നേതൃത്വത്തിൽ ആഘോഷിക്കുന്നതിന് നേതൃസമ്മേളനം തീരുമാനിച്ചു. യൂണിയൻ പ്രസിഡന്റ്‌ ഇ. ഡി. പ്രകാശൻ യോഗത്തിൽ അധ്യക്ഷത വഹിച്ചു. യൂണിയൻ സെക്രട്ടറി എസ്. ഡി സുരേഷ് ബാബു മുഖ്യ പ്രസംഗം നടത്തി. സെപ്തംബർ 7 ന് വൈകിട്ട് 4ന് തലയോലപ്പറമ്പ് കെ.ആർ ഓഡിറ്റോറിയത്തിൽ നടക്കുന്ന

ജയന്തി സമ്മേളനം കേന്ദ്ര മന്ത്രി ജോർജ് കുര്യൻ ഉദ്ഘാടനം ചെയ്യും. എസ് എൻ ഡി പി യോഗം വൈസ് പ്രസിഡന്റ്‌ തുഷാർ വെള്ളാപ്പള്ളി ജയന്തി സന്ദേശം നൽകും.സാംസ്ക്കാരിക നേതാക്കൾ അടക്കം നിരവധി പേർ സമ്മേളനത്തിൽ സംബന്ധിക്കും. സമ്മേളനത്തിന് മുന്നോടിയായി തലപ്പാറ ഗുരുദേവ പ്രാർത്ഥനാലയത്തിന് സമീപത്ത് നിന്നും വൈകിട്ട് 3ന് വർണ്ണാഭമായ ജയന്തി ഘോഷയാത്ര നടക്കും. യൂണിയൻ വൈസ് പ്രസിഡന്റ്‌ രഞ്ജിത് രാജപ്പൻ, യൂണിയൻ കൗൺസിലർ യു. എസ് പ്രസന്നൻ, വനിതാ സംഘം പ്രസിഡന്റ്‌ ധന്യ പുരുഷോത്തമൻ, യൂത്ത് മൂവ്മെന്റ് പ്രസിഡന്റ്‌ ഗൗതം സുരേഷ് ബാബു, അഭിലാഷ് രാമൻകുട്ടി, വാൽസ മോഹനൻ, അമ്പിളി ബിജു, രാജി ദേവരാജൻ, സിനി ബിനോയി, യൂണിയൻ കമ്മറ്റി ഭാരവാഹികൾ, അംഗങ്ങൾ, ശാഖാ പ്രസിഡൻ്റുമാർ,സെക്രട്ടറിമാർ തുടങ്ങിയവർ നേതൃസമ്മേളനത്തിൽ പങ്കെടുത്തു.