Tue Dec 12, 2023 10:56 PM 1ST
Location
Sign In
01 Apr 2025 14:09 IST
Share News :
മലപ്പുറം : കർണാടക ഗുണ്ടല്പേട്ടില് കാറും ട്രാവലറും കൂട്ടിയിടിച്ച് അപകടം. മലപ്പുറം സ്വദേശികളായ രണ്ട് പേർ മരിച്ചു. മൂന്ന് കുട്ടികള്ക്ക് ഗുരുതരമായി പരിക്കേറ്റു. കൊണ്ടോട്ടി അരിമ്പ്ര സ്വദേശിയായ അബ്ദുള് അസീസും കുടുംബവുമാണ് വാഹനത്തില് ഉണ്ടായിരുന്നത്. അബ്ദുള് അസീസിന്റെ മക്കളായ മുസ്കാനുള് ഫിർദൗസ് (21), ഷെഹ്ഷാദ് (24) എന്നിവരാണ് മരിച്ചത്.
ഇന്ന് രാവിലെ ഗുണ്ടല്പേട്ടിലെ ബെണ്ടഗള്ളി ഗേറ്റിലാണ് അപകടമുണ്ടായത്. അഞ്ച് കുട്ടികളടക്കം ഒൻപത് പേരടങ്ങുന്ന കുടുംബമാണ് അപകടത്തില് പെട്ടത്. കാറിന്റെ മുൻസീറ്റില് ഇരുന്നവരാണ് മരിച്ചത്. അബ്ദുള് അസീസ് (45), സഹദിയ (25), സിനാൻ (17), ആദില് (16), ഷാനിജ് (16), ആദം (4), ആയത് (എട്ട് മാസം) എന്നിവരാണ് ചികിത്സയിലുള്ളത്. മൈസുരു അപ്പോളോ, കെവിസി, ഐഎസ്എസ് ആശുപത്രികളില് ആയാണ് പരിക്കേറ്റവർ ഉള്ളത്. മൂന്ന് പേരുടെ നില ഗുരുതരമാണ്.
Follow us on :
Tags:
More in Related News
Please select your location.