Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
13 Apr 2025 14:21 IST
Share News :
തലയോലപ്പറമ്പ്: മാമ്പഴം കഴിച്ച് നടക്കേണ്ട പ്രായത്തിൽ വിഷുക്കണി ഒരുക്കാൻ തങ്ങളുടെ വീട്ടുമുറ്റത്തെ മധുര മൂറുന്ന മാമ്പഴം പറിച്ച് നാട്ടുകാർക്ക് സൗജന്യമായി നൽകി കുരുന്നുകളായ സഹോദരിമാർ. നാലാം ക്ലാസിൽ പഠിക്കുന്ന ചേച്ചിയുടെ ആശയത്തിന് യു കെ ജി യിൽ പഠിക്കുന്ന അനുജത്തി ഒപ്പം നിന്നതോടെ പ്രദേശവാസികൾക്ക് മാമ്പഴം വച്ച് നാളെ വിഷുക്കണി ഒരുക്കാം. തലയോലപ്പറമ്പ് കുറുന്തറ കണ്ടത്തിൽ വീട്ടിൽ സന്തോഷ്, റാണി ദമ്പതികളുടെ മക്കളും ആയാംകുടി സെൻ്റ് തേരസാസ് ഇംഗ്ലീഷ് മീഡിയം സ്കൂളിലെ നാലാം ക്ലാസ് വിദ്യാർഥിയുമായ ജ്യോതികയും യു കെ ജി വിദ്യാർഥിയായ സാൻവികയുമാണ്
വിഷുക്കാലത്ത് മറ്റു കുട്ടികളിൽ നിന്നും
വ്യത്യസ്‌തരായത്. വീട്ടുമുറ്റത്ത് പഴുത്ത് തുടങ്ങിയ ആൽ ഫോൻസാ ഇനത്തിൽപ്പെട്ട മാമ്പഴം രക്ഷിതാക്കളാണ് പറിച്ച് നൽകിയത്. പ്ലാസ്റ്റിക്ക് ബക്കറ്റുകളിൽ ശേഖരിച്ച് വച്ച ശേഷം സൗജന്യ വിതരണം എന്ന ബോർഡും പിടിച്ച് സഹോദരിമാർ നടന്നാണ് 75 കിലോയേളം വരുന്ന മാമ്പഴം പ്രദേശവാസികൾക്ക് വിതരണം ചെയ്തത്. പഠനത്തിലും സമർത്ഥരായ ഇരുവരും പൊതുനന്മ ലക്ഷ്യം വച്ചുള്ള പ്രവർത്തനങ്ങളിലും തല്പരരാണ്. അടുത്ത വർഷങ്ങളിലും ഇത്തരത്തിൽ സൗജന്യ വിതരണം നടത്തണമെന്ന് സഹോദരിമാർ പറയുന്നു
Follow us on :
Tags:
More in Related News
Please select your location.
.jpg)
