Police have filed a case of cheating of Rs 1.40 crore by misleading him to become a business partner

കടുത്തുരുത്തി; ബിസനസില്‍ പങ്കാളിയാക്കാമന്ന് തെറ്റിദ്ധരിപ്പിച്ചു 1.40 കോടി തട്ടിച്ചെടുത്ത സംഭവത്തില്‍ പോലീസ് കേസെടുത്തു. കിടങ്ങൂര്‍ കൊല്ലപ്പള്ളി പ്രകാശ് കുരുവിളയുടെ പരാതിയില്‍ സിനിമാ നിര്‍മാതാവ് കല്ലറ തടത്തില്‍ ജോബി ജോര്‍ജിനെതിരെയാണ് പോലീസ് കേസെടുത്തത്. ബിസനസുകാരുമായി ബന്ധമുണ്ടെന്ന് തെറ്റിദ്ധരിപ്പിച്ചു സൂറി ഹോട്ടല്‍ വാങ്ങുന്നതിന് അഡ്വാന്‍സ് എന്ന നിലയിലും മറ്റു ബിസനസ്സുകളില്‍ പങ്കാളിയാക്കാമെന്ന ആവശ്യത്തിലേക്കുമായി ജോബി 2015 ല്‍ പ്രകാശ് കുരുവിളയില്‍ നിന്നും അഞ്ച് ലക്ഷം രൂപ വാങ്ങി. ബാങ്ക വഴിയാണ് ഇടപാട് നടന്നത്. പിന്നീട് പ്രകാശ് അമേരിക്കയിലായിരുന്ന കാലത്ത് ഇദേഹത്തിന്റെ ബാങ്ക് അക്കൗണ്ടുകള്‍ വഴി പല തവണകളായി 4.35 കോടി രൂപ ജോബിയുടെ അക്കൗണ്ടിലേക്ക് അയച്ചു. തുടര്‍ന്ന് വാങ്ങിയ തുകയില്‍ മൂന്ന് കോടി രൂപ മാത്രം തിരികെ നല്‍കി. 1.40 കോടി രൂപ തിരിച്ചു നല്‍കിയില്ലെന്നും പറഞ്ഞിരുന്ന പദ്ധതികളില്‍ പങ്കാളിയാക്കാതെ വിശ്വാസ വഞ്ചന കാണിച്ചെന്നുമാണ് കേസ്. പിന്നീട് പ്രകാശ് കുരുവിള കടുത്തുരുത്തി പോലീസ് സ്റ്റേഷനില്‍ പരാതി നല്‍കുകയായിരുന്നു