Literary workshop “Wordsworth” concludes with commemoration of historian KK Mohammed Abdul Kareem

കൊണ്ടോട്ടി : ചരിത്രകാരന്‍ കെ.കെ. മുഹമ്മദ് അബ്ദുല്‍ കരീമിന്റെ 20-ാം അനുസ്മരണ സമ്മേളനം മഹാകവി മോയിന്‍കുട്ടി വൈദ്യര്‍ മാപ്പിളകലാ അക്കാദമി ചെയര്‍മാന്‍ ഡോ. ഹുസൈന്‍ രണ്ടത്താണി ഉദ്ഘാടനം ചെയ്തു. പി.വി. ഹസീബ് റഹ്മാന്‍ ആധ്യക്ഷ്യം വഹിച്ചു.

പി. ഖാലിദ്, സിദ്ദീഖ് താമരശ്ശേരി, അബ്ബാസ് തരിപ്പറമ്പന്‍, ഗഫൂര്‍ എടത്തോള, ഡോ. കെ.കെ. മുഹമ്മദ് അബ്ദുല്‍ സത്താര്‍, എ.പി. അഹമ്മദ്, അഹമ്മദ് ഹാജി കരിപ്പൂര്‍ തുടങ്ങിയവര്‍ സംസാരിച്ചു.

മോയിന്‍കുട്ടി വൈദ്യര്‍ അക്കാദമിയും മണ്‍മ ക്രിയേറ്റീവ് സ്റ്റഡീസും ചേര്‍ന്ന് നടത്തിയ സാഹിത്യ ശില്‍പശാലയില്‍ വായനയെക്കുറിച് ഡോ. എം കെ മുനീർ എം എൽ എ സംവദിച്ചു. 'കഥയും കാലവും' എന്ന വിഷയത്തില്‍ ശിഹാബുദ്ദീന്‍ പൊയ്ത്തുംകടവ്, പ്രിയ സുനില്‍ എന്നിവര്‍ സംസാരിച്ചു. 'വായന മറ്റൊരു സൃഷ്ടി' എന്ന വിഷയത്തിന് എ.പി. അഹമ്മദ്, എസ്.ആര്‍. ശില്‍പരാജ് എന്നിവരും 'സാമൂഹ്യ മാധ്യമം' എന്ന വിഷയത്തില്‍ ഷാജഹാന്‍ കാളിയത്തും നേതൃത്വം വഹിച്ചു. മജീദ് ബക്കര്‍, ഷമീര്‍ നീറാട് എന്നിവര്‍ പ്രസംഗിച്ചു. സമാപന സമ്മേളനത്തില്‍ സിദ്ദീഖ് താമരശ്ശേരി, സലാം തറമ്മല്‍, സുരേഷ് നീറാട് എന്നിവര്‍ സംസാരിച്ചു.

ഫോട്ടോ: മഹാകവി മോയിന്‍കുട്ടി വൈദ്യര്‍ മാപ്പിളകലാ അക്കാദമിയില്‍ വെച്ച് നടന്ന കെ.കെ. മുഹമ്മദ് അബ്ദുല്‍ കരീം അനുസ്മരണം ഡോ. ഹുസൈന്‍ രണ്ടത്താണി ഉദ്ഘാടനം ചെയ്യുന്നു