വൈക്കത്ത് സർക്കാർ അതിഥിമന്ദിര വളപ്പിൽ ഒരുക്കിയ മാതൃകാ പച്ചക്കറിത്തോട്ടത്തിലെ വിളവെടുപ്പ് നടത്തി.

07 May 2025 22:46 IST

Share News :

The Government of Vaikkat conducted the model vegetable garden harvest prepared in the Guest House premises.

വൈക്കം: സർക്കാർ സ്ഥാപനങ്ങളിൽ കൃഷിനടത്തുന്നതിൻ്റെ ഭാഗമായി കൃഷിവകുപ്പിന്റെ സഹകരണത്തോടെ വൈക്കം നഗരസഭയും പിഡബ്ല്യുഡി റസ്റ്റ് ഹൗസ് അധികൃതരും ചേർന്ന് ഒരുക്കിയ മാതൃകാ പച്ചക്കറിത്തോട്ടത്തിലെ വിളവെടുപ്പ് നടത്തി. വൈക്കം കായലോരത്തെ പിഡബ്ല്യുഡി റസ്റ്റ് ഹൗസിലെ 50 സെൻ്റ് പുരയിടത്തിലാണ് കൃഷി വകുപ്പ് ജൈവ പച്ചക്കറിത്തോട്ടം ഒരുക്കിയത്.16 നിരകളിലായി തക്കാളി, വഴുതന, വെണ്ട, പച്ചമുളക് തുടങ്ങിയവയാണ് കൃഷി ചെയ്തത്. മൂന്നു മാസം മുമ്പ് നടത്തിയ കൃഷിയിൽ മികച്ച വിളവാണ് ലഭിച്ചത്. സി.കെ.ആശ എം എൽ എ വിളവെടുപ്പ് ഉദ്ഘാടനം നിർവഹിച്ചു. നഗരസഭ ചെയർപേഴ്സൺ പ്രീതാരാജേഷ് അധ്യക്ഷത വഹിച്ചു. ജില്ലാ കൃഷി ഓഫീസർ സി.ജോസ് പദ്ധതി വിശദീകരണം നടത്തി.

ജൈവ പച്ചക്കറി തോട്ടത്തിൽ വിളവെടുത്ത പച്ചക്കറികൾ അനാഥ മന്ദിരങ്ങളിലും സ്കൂളുകളിൽ ഉച്ചഭക്ഷണമൊരുക്കാനും നൽകാനാണ് കൃഷി വകുപ്പ് അധികൃതരുടെ തീരുമാനം. ആദ്യ വിളവെടുപ്പിലെ വിഭവങ്ങൾ സി.കെ.ആശ എം എൽ എ അമലഭവനിലെ സിസ്റ്റർ എയ്ഞ്ചലിന് കൈമാറി. നഗരസഭ വൈസ് ചെയർമാൻ പി.ടി.സുഭാഷ്, കൃഷി ഓഫീസർ ഷീലാറാണി, നഗരസഭ സ്റ്റാൻഡിംഗ് കമ്മറ്റി ചെയർമാൻമാരായ സിന്ധുസജീവൻ, എസ്.ഹരിദാസൻ നായർ,എൻ.അയ്യപ്പൻ, കൗൺസിലർമാർ, കൃഷി വകുപ്പ് ഉദ്യോഗസ്ഥർ തുടങ്ങിയവർ പങ്കെടുത്തു.