An eye examination system has been started in Mukkam Social Health Centre with AI system.

മുക്കം:അന്ധതയിലേക്ക് നയിക്കുന്ന മൂന്ന് രോഗങ്ങളെ തുടക്കത്തിൽ കണ്ടെത്താൻ നിർമ്മിതബുദ്ധിയുടെ (എ ഐ) സഹായത്തോടെയുള്ള കണ്ണ് പരിശോധന മുക്കം സാമൂഹികാരോഗ്യകേന്ദ്രത്തിൽ ആരംഭിച്ചു. പ്രമേഹം കാരണം ഉണ്ടാകുന്ന റെറ്റിനോപ്പതി, ഗ്ലോക്കോമ , പ്രായം കൂടുമ്പോൾ ഉണ്ടാകുന്ന മാക്യുലാർഡീജനറേഷൻ എന്നീ രോഗങ്ങളെ കണ്ടെത്താനാണിത്. നിർമ്മിതബുദ്ധിയുടെ സഹായത്തോടെ കണ്ണ് സ്‌ക്രീൻ ചെയ്ത് രോഗം കണ്ടെത്താനുള്ള പദ്ധതിയാണിത് .മുക്കം സാമൂഹികാരോഗ്യകേന്ദ്രത്തിത്തിൽ എ ഐ സാങ്കേതികവിദ്യ പ്രേയോജന പ്പെടുത്തുന്ന ഫണ്ടസ് ക്യാമറ ഉപയോഗിച്ച് സ്ക്രീൻ ചെയ്യുകയാണ് ലക്ഷ്യമിടുന്നത് . കണ്ണ് പരിശോധനയിൽരോഗസൂചന ലഭിച്ചാൽ രോഗിയെ നേത്രരോഗവിദ്ധന്റെയടുത്തേക്ക് റഫർചെയ്യും.കമ്പ്യൂട്ടർ ഉപയോഗിച്ചുള്ള കണ്ണ് പരിശോധന പോലെയാണിത് കയ്യിൽവെച്ച് ഉപയോഗിക്കാവുന്ന ചെറിയ ഉപകാരണമാണിത്. പരിശോധനക്ക് നിമിഷങ്ങൾ മതി കൃഷ്ണമണി വികസിക്കുന്നത് മരുന്ന് ഒഴിക്കാതെയും ചെയ്യാം.രോഗംതിരിച്ചറിയാൻ ഫലപ്രദമാണിത്. പരിശോധിക്കുമ്പോൾ വേദന ഉണ്ടാകുന്നില്ല. .ഈ രോഗങ്ങളുടെ ലക്ഷണങ്ങൾ തിരിച്ചറിയാതെ പോകാം എന്നതിനാൽ തുടക്കത്തിൽ കണ്ടെത്തി ചികിത്സയ്ക്കുക എന്നത് വളരെ പ്രധാനമാണ്.നഗരസഭ 2024-25 സാമ്പത്തിക വർഷം ഫണ്ട് വകയിരുത്തിയാണ് പദ്ധതി നടപ്പിലാക്കിയത്. നഗരസഭ ചെയർമാൻ പി.ടി. ബാബു ഉൽഘാടനം ചെയ്തു. ആരോഗ്യ സ്റ്റാൻ്റിംഗ് കമ്മിറ്റി ചെയർപേഴ്സൻ പ്രജിത പ്രദിപ്, വൈസ് ചെയർപേഴ്സൻ കെ.പി ചാന്ദ്നി ,ഇസത്യനാരയണൻ,കൗൺസിലർമാരായ അശ്വതി സനൂജ്, ജോഷില, കെ ബിന്ദു, ടി.കെ സാമി, എന്നിവർ സംസാരിച്ചു. മെഡിക്കൽ ഓഫീസർ ഡോ: ശ്രീജ, സ്വാഗതവും. സൂപ്രണ്ട് ഷിജു കെ നന്ദിയും പറഞ്ഞു പറഞ്ഞു.

Tags:

enlightmedia,malayalamnews,kerala,latestnews