Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
30 Jun 2026 19:59 IST
Share News :
കോഴിക്കോട് : പ്രിയദര്ശിനി ബസില് യാത്രക്കാരായ സ്ത്രീകളും ജീവനക്കാരും തമ്മില് സ്റ്റോപ്പിനെ ചൊല്ലി തര്ക്കം. കോഴിക്കോട് നിന്ന് ബത്തേരിയിലേക്ക് പോകുന്ന ബസിലായിരുന്നു സംഭവം. ജീവനക്കാരുമായി വാക്കേറ്റവും തര്ക്കവുമുണ്ടായതോടെ സ്ത്രീകള് ബസിന്റെ ബെല് പൊട്ടിച്ചു.
കോഴിക്കോട് കെഎസ്ആര്ടിസി ടെര്മിനലില് നിന്ന് ഉച്ചയ്ക്ക് 12 മണിയോടെ പുറപ്പെട്ട ബസിലാണ് സംഭവം. വയനാട് സ്വദേശികളായ മൂന്ന് സ്ത്രീകളാണ് പ്രശ്നമുണ്ടാക്കിയത്. മലാപ്പറമ്പ് വഴി പോവുന്ന ബസാണെന്ന് കരുതിയാണ് ബത്തേരി ബസില് കയറിയത്. എന്നാല് ബസ് മെഡിക്കല് കോളജ് വഴി പോവുന്ന ബസാണെന്ന് ഇവര് പിന്നീടാണ് തിരിച്ചറിഞ്ഞത്. ഇതോടെ ഇറങ്ങണമെന്ന് ആവശ്യപ്പെട്ടു.
എന്നാല് ടൗണ് ടു ടൗണ് ബസായതിനാല് എല്ലാ സ്റ്റോപ്പുകളിലും നിര്ത്താന് പറ്റില്ലെന്ന് വനിതാ കണ്ടക്ടര് പറഞ്ഞതോടെ സ്ത്രീകള് ബഹളം വെച്ചു. ബസിൽ സ്ത്രീ യാത്രകാര് മാത്രമെ ഉണ്ടായിരുന്നുള്ളൂ. ഇതോടെ ബസ് കോവൂര് എത്തിയതോടെ സ്ത്രീകള് ബെല്ല് വലിച്ചു പൊട്ടിക്കുകയായിരുന്നു. ബസ് ജീവനക്കാരുടെ പരാതിയില്
മെഡിക്കല് കോളജ് പോലീസ് സ്റ്റേഷനിലേക്ക് ബസ് കയറ്റി സ്ത്രീകളെ കസ്റ്റഡിയിൽ എടുത്തു.
Follow us on :
Tags:
More in Related News
Please select your location.
46.jpeg)
