Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
08 Jul 2025 19:23 IST
Share News :
തിരുവനന്തപുരം : നാളെ നടക്കുന്ന അഖിലേന്ത്യ പണിമുടക്കിൽ പങ്കെടുക്കുന്ന ജീവനക്കാർക്ക് ഡയസ്നോൺ പ്രഖ്യാപിച്ച് കെ എസ് ആർ ടി സി. ജോലിക്ക് ഹാജരായില്ലെങ്കില്‍ അന്നത്തെ വേതനം ലഭിക്കില്ല. സാധാരണപോലെ എല്ലാ സർവീസുകളും നടത്തണമെന്നും കെഎസ്‌ആർടിസി മാനേജ്മെന്റ് അറിയിച്ചു.
കെഎസ്‌ആർടിസി എല്ലാ സർവീസുകളും നടത്തുമെന്ന് നേരത്തെ ഗതാഗത മന്ത്രി കെ.ബി. ഗണേഷ് കുമാറും പറഞ്ഞിരുന്നു. എന്നാല്‍, യൂണിയനുകള്‍ ഇത് തള്ളിയിരുന്നു. പിന്നാലെയാണ് നിർദ്ദേശം ഉത്തരവായി ഇറങ്ങിയത്.
കെഎസ്‌ആർടിസിയിലെ തൊഴിലാളികള്‍ ബുധനാഴ്ചത്തെ ദേശീയ പണിമുടക്കില്‍ പങ്കെടുക്കില്ലെന്ന് ഗതാഗത മന്ത്രി കെ.ബി.ഗണേഷ് കുമാറിന്റെ വാദം തള്ളി എല്‍ഡിഎഫ് കണ്‍വീനർ ടി.പി. രാമകൃഷ്ണൻ നേരത്തേ രംഗത്തെത്തിയിരുന്നു. തൊഴിലാളികള്‍ സമരത്തില്‍ പങ്കെടുക്കില്ലെന്ന് പറയാൻ മന്ത്രിക്ക് അധികാരമില്ലെന്ന് പറഞ്ഞ ടി.പി.രാമകൃഷ്ണൻ നാളെ കെഎസ്‌ആർടിസി സ്തംഭിക്കുമെന്നും അറിയിച്ചു.
സ്വകാര്യ ബസ് സർവീസുകളും നാളെ നടത്തില്ല. സ്വകാര്യ വാഹനങ്ങള്‍ നിരത്തിലിറക്കാതെ എല്ലാവരും പണിമുടക്കുമായി സഹകരിക്കുന്നതായിരിക്കും നല്ലതെന്നും എല്‍ഡിഎഫ് കണ്‍വീനർ പറഞ്ഞിരുന്നു.
ഒന്നാം തീയതിക്ക് മുമ്പായി ശമ്പളം കിട്ടുന്നതുകൊണ്ട് കെഎസ്‌ആർടിസിയിലെ ജീവനക്കാർ സന്തുഷ്ടരാണെന്നും അതുകൊണ്ടുതന്നെ അവർക്ക് സമരംചെയ്യേണ്ട സാഹചര്യമില്ലെന്നുമായിരുന്നു ഗണേഷ് കുമാറിന്റെ നിലപാട്.
Follow us on :
Tags:
More in Related News
Please select your location.
2.jpeg)
1.jpeg)
6.jpeg)
5.jpeg)
1.jpeg)
