തലയോലപ്പറമ്പിൽ കോൺഗ്രസ്സിലെ ജോസ് വി ജേക്കബ് ഗ്രാമപഞ്ചായത്ത് പ്രസിഡൻ്റായി തിരഞ്ഞെടുക്കപ്പെട്ടു.

27 Dec 2025 21:54 IST

Share News :

Jose V Jacob of the Congress was elected as the President of the Gram Panchayat at Thayolaparambil.

തലയോലപ്പറമ്പ്: യുഡിഎഫും കോൺഗ്രസും മൃഗീയ ഭൂരിപക്ഷത്തിൽ വിജയിച്ച തലയോലപ്പറമ്പിൽ കോൺഗ്രസ്സിലെ ജോസ് വി ജേക്കബിനെ പഞ്ചായത്ത് പ്രസിഡൻ്റായി തിരഞ്ഞെടുത്തു. 9-ാം വാർഡിൽ നിന്നും വിജയിച്ച ജോസ് വി ജേക്കബ് മുൻ പഞ്ചായത്ത് അംഗവും പ്രതിപക്ഷ നേതാവുമായിരുന്നു. വൈസ് പ്രസിഡൻ്റ് സ്ഥാനത്തേക്ക് കോൺഗ്രസ്സിലെ തന്നെ അനിതാ സുഭാഷും തിരഞ്ഞെടുക്കപ്പെട്ടു. അവസാന ഒരു വർഷക്കാലം 17-ാം വാർഡിൽ നിന്നും വിജയിച്ച മുൻ ഗ്രാമ പഞ്ചായത്ത് വൈസ് പ്രസിഡൻ്റ് എം.അനിൽകുമാറിന് പ്രസിഡൻ്റ് സ്ഥാനം ലഭിക്കും.14-ാം വാർഡിൽ നിന്നുള്ള അംഗം അനിതയ്ക്ക് ആദ്യ ഒരു വർഷമാണ് വൈസ് പ്രസിഡൻ്റ് പദവി. തുടർന്നുള്ള 3 വർഷത്തിൽ പകുതി വീതം 16-ാം വാർഡിൽ നിന്നും വിജയിച്ച മുൻ ഗ്രാമ പഞ്ചായത്ത് അംഗവും യുഡിഎഫ് സ്വതന്ത്രയുമായ നിർമ്മല മാർട്ടിനും കേരള കോൺഗ്രസിലെ സലില ബാബുരാജും വൈസ് പ്രസിഡൻ്റുമാരാകും. 17 അംഗ പഞ്ചായത്തിൽ യുഡിഎഫിന് 15 അംഗങ്ങളാണ് ഉള്ളത്.രണ്ടാം വാർഡിൽ നിന്നും വിജയിച്ച സി പി എം പ്രതിനിധി അബ്ദുൾ സലിമും ആറാം വാർഡിൽ നിന്നും വിജയിച്ച കേരള കോൺഗ്രസ് എം പ്രതിനിധിയും മുൻ ഗ്രാമ പഞ്ചായത്ത് അംഗവുമായ മോളികുര്യനുമാണ് പ്രതിപക്ഷ അംഗങ്ങൾ.

Tags:

തലയോലപ്പറമ്പിൽ കോൺഗ്രസ്സിലെ ജോസ് വി ജേക്കബ് ഗ്രാമപഞ്ചായത്ത് പ്രസിഡൻ്റായി തിരഞ്ഞെടുക്കപ്പെട്ടു.

More in Related News