Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
05 Oct 2026 23:00 IST
Share News :
.jpg "First Integrated Triple Level Hemophilia Treatment Centre in the State Dedicated to the Nation")
കോട്ടയം: സര്‍ക്കാര്‍ ആശുപത്രികളിലെ മരുന്നുകളുടെ ഗുണനിലവാരം ഉറപ്പാക്കുന്നതിന് സര്‍ക്കാര്‍ നടപടി സ്വീകരിച്ചതായി ആരോഗ്യമന്ത്രി കെ. മുരളീധരന. സംസ്ഥാന സര്‍ക്കാരിന്‍റെ നൂറുദിന കര്‍മ്മപരിപാടിയുടെ ഭാഗമായി കോട്ടയം മെഡിക്കല്‍ കോളജ് ആശുപത്രിയില്‍ സംസ്ഥാനത്തെ ആദ്യ സമഗ്ര ത്രിതീയതല ഹീമോഫീലിയ ചികിത്സാകേന്ദ്രത്തിന്‍റെ ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം. കേരള മെഡിക്കല്‍ സര്‍വീസസ് കോര്‍പറേഷന്‍ മുഖേന വാങ്ങുന്ന മരുന്നുകളുടെ ഗുണനിലവാരം പൂര്‍ണമായും ഉറപ്പാക്കുന്നതിനായാണ് ഡ്രഗ്സ് കണ്‍ട്രോള്‍ വിഭാഗത്തെ ചുതമലപ്പെടുത്താന്‍ തീരുമാനിച്ചത്. ചില കമ്പനികളുടെ മരുന്നുകള്‍ക്ക് ഗുണനിലവാരമില്ലെന്ന റിപ്പോര്‍ട്ടുകളുടെ അടിസ്ഥാനത്തിലാണ് നടപടി. സര്‍ക്കാര്‍ ആശുപത്രികളില്‍ മരുന്നുക്ഷാമമുണ്ടെന്ന പ്രചാരണത്തിനു പിന്നില്‍ ചിലരുടെ ഗൂഢലക്ഷ്യങ്ങളാണെന്ന് മന്ത്രി പറഞ്ഞു. ആശുപത്രികളുമായി ബന്ധപ്പെട്ട് പരാതികളുയര്‍ന്നാല്‍ വസ്തുതാപരമായ അന്വേഷണത്തിന്‍റെ അടിസ്ഥാനത്തില്‍ മാത്രമേ നടപടിയുണ്ടാകൂ. വീഴ്ച്ചവരുത്തുന്നവര്‍ക്കെതിരെ ശക്തമായ നടപടിയുണ്ടാകും. കോട്ടയം മെഡിക്കല്‍ കോളജിലെ ത്രീതിയതല ഹീമോഫീലിയ ചികിത്സാകേന്ദ്രം സമീപ ജില്ലകളിലെ രോഗികൾക്കും മികച്ച ചികിത്സ ഉറപ്പാക്കാൻ സഹായകമാകുമെന്ന് മന്ത്രി പറഞ്ഞു.
കോട്ടയം മെഡിക്കല്‍ കോളജ് വികസനത്തിന്‍റെ പുതിയ വഴിത്താരയിലാണെന്ന് ചടങ്ങില്‍ മുഖ്യാതിഥിയായിരുന്ന ജലവിഭവ-ഭവനനിര്‍മാണ വകുപ്പ് മന്ത്രി അഡ്വ. മോന്‍സ് ജോസഫ് പറഞ്ഞു. നാട്ടകം സുരേഷ് എംഎല്‍എ അധ്യക്ഷത വഹിച്ചു. ജില്ലാ പഞ്ചായത്ത് പ്രസിഡന്റ് ജോഷി ഫിലിപ്പ്, ജില്ലാ കളക്ടര്‍ ചേതന്‍ കുമാര്‍ മീണ, ഏറ്റുമാനൂര്‍ ബ്ളോക്ക് പഞ്ചായത്ത് പ്രസിഡന്റ് ജയ്മോന്‍ കരിമഠം, ആര്‍പ്പൂക്കര ഗ്രാമപഞ്ചായത്ത് പ്രസിഡന്റ് ആനന്ദ് പഞ്ഞിക്കാരന്‍, ജില്ലാ പഞ്ചായത്ത് സ്ഥിരം സമിതി അധ്യക്ഷന്‍ പി.കെ. വൈശാഖ്, ജില്ലാ പഞ്ചായത്തംഗം ജിം അലക്സ്, ബ്ളോക്ക് പഞ്ചായത്തംഗം മറിയാമ്മ ബാബു, കോട്ടയം മെഡിക്കല്‍ കോളജ് സൂപ്രണ്ട് ഡോ. ടിജി തോമസ് വര്‍ഗീസ്, പ്രിന്‍സിപ്പല്‍ ഡോ. വര്‍ഗീസ് പി. പുന്നൂസ്, ആരോഗ്യകേരളം ചൈല്‍ഡ് ഹെല്‍ത്ത് നോഡല്‍ ഓഫീസര്‍ ഡോ. ജോയ് ജോണ്‍, ആരോഗ്യകേരളം ജില്ലാ പ്രോഗ്രാം മാനേജര്‍ ഡോ. സാം സാവിയോ, ജനറല്‍ മെഡിസിന്‍ വിഭാഗം മേധാവി ടി.ആര്‍. രാധ, സി.ടി.എച്ച്.സി.സി. നോഡല്‍ ഓഫീസര്‍ അതുല്യ ജി. അശോക് തുടങ്ങിയവര്‍ പങ്കെടുത്തു. ഹിമോഫീലിയ സൊസൈറ്റി ഓഫ് ഇന്ത്യ കോട്ടയം ചാപ്റ്റര്‍ പ്രസിഡന്റ് കെ.കെ. കുഞ്ഞിനെ ആരോഗ്യ മന്ത്രി ആദരിച്ചു.
Follow us on :
Tags:
More in Related News
Please select your location.
.jpg)
13.jpeg)
.JPG)
