Kerala Cooperative Employees Front organized Taluk Conference

തൊടുപുഴ: കേരള കോപ്പറേറ്റീവ് എംപ്ലോയീസ് ഫ്രണ്ട് തൊടുപുഴ താലൂക്ക് സമ്മേളനം തൊടുപുഴ ടീച്ചേഴ്സ് സൊസൈറ്റി ഓഡിറ്റോറിയത്തില്‍ നടത്തി. യു.ഡി.എഫ് ജില്ലാ കണ്‍വീനര്‍ പ്രഫ. എം.ജെ ജേക്കബ് ഉദ്ഘാടനം ചെയ്തു. എംപ്ലോയീസ് ഫ്രണ്ട് താലൂക്ക് പ്രസിഡന്റ് ജോര്‍ജ് തോമസ് അധ്യക്ഷത വഹിച്ചു. വിവിധ സംഘങ്ങളില്‍ നിന്നും വിരമിച്ച ജീവനക്കാര്‍ക്ക് യാത്രയയപ്പ് നല്‍കി. എം. ജോസ്, ജോളി എ.ഡി എന്നിവര്‍ ഉപഹാരങ്ങള്‍ ഏറ്റുവാങ്ങി. തൊടുപുഴ ടൗണ്‍ ബാങ്ക് പ്രസിഡന്റും പി.എ.സി.എസ് പ്രസിഡന്റുമായ കെ. ദീപക് മുഖ്യപ്രഭാഷണം നടത്തി. ഓള്‍ ഇന്ത്യ അവാര്‍ഡ് ടീച്ചേഴ്സ് ഫെഡറേഷന്‍ ഏര്‍പ്പെടുത്തിയ മികച്ച അധ്യാപകനുള്ള ഗുരുശ്രേഷ്ഠ പുരസ്‌കാരം നേടിയ തൊടുപുഴ താലൂക്ക് സ്‌കൂള്‍ ടീച്ചേഴ്സ് കോപ്പറേറ്റീവ് സൊസൈറ്റി പ്രസിഡന്റ് ബിജോയ് മാത്യുവിനെ ആദരിച്ചു. സഹകരണ ധാരാ എഡിറ്റര്‍ യു.എം ഷാജി, വഴിത്തല സഹകരണ ബാങ്ക് പ്രസിഡന്റ് ക്ലമന്റ് ഇമ്മാനുവല്‍, അരിക്കുഴ സഹകരണ ബാങ്ക് പ്രസിഡന്റ് ടോണി കുര്യാക്കോസ്, ജില്ലാ പ്രസിഡന്റ് ബിജു മാത്യു, ജില്ലാ സെക്രട്ടറി ഷാജന്‍ ജോസഫ്, സംസ്ഥാന കമ്മറ്റി അംഗം ടോം തോമസ്, സംസ്ഥാന കൗണ്‍സില്‍ അംഗം ജോജി സെബാസ്റ്റ്യന്‍, ജില്ലാ കമ്മറ്റി അംഗം ജിന്‍സണ്‍ ജോസ് എന്നിവര്‍ പ്രസംഗിച്ചു. എംപ്ലോയീസ് ഫ്രണ്ട് താലൂക്ക് സെക്രട്ടറി എസ് ജയേഷ് കുമാര്‍, ട്രഷറര്‍ ബിബിന്‍ ക്ലമന്റ്, ഷാങ്ക്ലിന്‍ ജോസ്, ബെന്നി മാത്യു, ജോഷി വി. മാത്യു, ദീപ ഷേര്‍ളി എസ്, അജേഷ് പി. രാജ്, കെ.എല്‍ അനൂപ് തുടങ്ങിയവര്‍ നേതൃത്വം നല്‍കി. സംഘടനയുടെ പ്രസിഡന്റ്ായി എസ്. ജയേഷ് കുമാര്‍, സെക്രട്ടറിയായി ലുക്കോസ് സ്റ്റീഫന്‍, ട്രഷററായി ബിബിന്‍ ക്ലമെന്റ് എന്നിവരെ തെരഞ്ഞെടുത്തു.